嘆甜品

营业中

休息中

晚上十点几，屯门仲未收嘅餐厅无几多间，有料果边攞飞要等八张枱，兜咗一圈去咗叹甜品食野算。唔洗等位可以直入系几好，场内其实八成嘅枱都系点窝夫。but...我地叫咗个综合水果茶，炸烧卖，同珍珠芋圆爱玉。水果茶无得少甜走冰，相信依赖沟糖浆去出味，落少咗冰就沟稀唔到，会太甜。炸烧卖因为有泰式鸡酱去点，味道不过不失，感觉似光波炉焗出嚟多过炸嘅。而珍珠芋圆爱玉呢，爱玉正常嘅，珍珠煲得唔够仲系黏住一揪揪咁，芋圆应该都系出面买嘅现成货，无乜味，口感又粉又硬，有一粒难食到我忍唔住吐返出嚟。都有要赞嘅地方，呢间嘅工作人员态度好友善好正面。佢地提过QR code落单，不过我地忘记咗，店员哥仔好nice照样同我地落单；埋单果阵，我细细声同收银姨姨讲d芋圆好难食，佢即刻话会同返厨房讲，仲想补返个芋圆俾我拎走，不过我拒绝咗啦，同佢讲唔系想R甜品，想佢地留意返个出品质素啫。