鮮‧港式串燒吧 (已搬遷) 新店位置

点解我会知？因为我系同其中一篇食评既朋友一齐去试食既，佢就唔方便写比较差既内容啦，我就不吐不快喇，相就唔出喇，废事明眼人睇得出边个食评系我朋友，影响到佢啦。呢度既野食唔可以用好食黎形容，只系入得口食你唔死。串烧够胆死烧到黑晒，上台既时候都唔热既，难为我朋友仲要同一碟野影几次，尽量影到佢无咁黑，影完都唔想放入口仲有只大蘑菇，唔熟架阴公，串烧个师傅系咪新手黎架贵就唔系贵既，1x~4x一串，有得坐住食，当交租都要啦。不过环境就麻麻，店员全部都好似返黎玩咁，对我地梗系有啲招呼啦，不过隔离台就无咁好彩，上齐order后无人理佢地（仲要当晚其实得3台客）。店员就围埋一齐倾计，喺门口食烟，we哗鬼叫，音乐大声到好似旺角啲劈场咁，整体感觉非常cheap。大家俾唔俾钱食啲烧到黑晒既串烧同买啲咁既服务，就你地自己谂啦，一路食我都一路谂，啲野食质量咁样，唔怪得之要揾人写食评啦，不过用呢啲门面野呃到人上黎，但食完又一肚气既，又点会有回头客呢？不如俾心机提高店员同食物既质素仲好啦！顺带一提，佢地租埋对面半个单位卖酒，开到12点。