炎鳥羽

营业中

休息中

香港人最钟意就系食日本野，所以成日都放题放题。放题系好抵食但系有时追求质素都系对自己一个交代。同时帮衬黄店都系必要架! 呢间系尖沙咀既楼上日本小店，一上到去就见到黄到金既摆设加上佢和式既设计。一上到去就有种好亲切既感觉，可惜既系人真系小左D 成间铺得一两台客。前菜上左一啲我平时比较小食既野(腌青瓜萝卜，辣蒜头)，但系点都要比比面，点知食落清新爽口，平时怕食蒜头的我都忍唔住系咁食。刺身反而系全个餐比较普通既一项 唔系佢唔好食 只系其他太出色。点出色法系出色到我食完个天妇罗先记得自己无影到相。中间有淡淡肉既明太子鸡翼，肥瘦均匀既和牛串烧，爽口既猪颈肉串烧，极度高质。点解我去到天妇罗先记得影相呢，系因为佢个海胆天妇罗系特别到吓亲我(小弟大乡里黎)。一块紫苏叶包住海胆，啲粉好薄但系好脆身。咬到入去海胆甜唔腥 仲要好大旧。基本上食完呢道菜之后已经觉得呢间野无可挑剔 而家写写下都好挂住呢间炎鸟羽，各位手足一定要多多支持呀。下次一定会再去 希望可以见到各位手足一直享受呢到既美食。(BTW店员极度友善 态度5分满分 我都要比6分) 一流餐厅，价钱亲民，必须再食。