南豐餐廳

营业中

休息中

路过食个Tea～～第一次惠顾此茶餐厅，进店之后自己选择座位，店员见我企喺其中一张卡位隔离，立即过来帮忙清理之前食客的碗碟，让我坐下。然后问我是否食下午茶，帮我打开餐牌下午茶果版。下午茶都好多选择，样样都想试，原本想叫招牌菠萝包，店员话有火腿蛋响菠萝包入面，不过菠萝包啱啱卖晒，唯有转食炸猪扒沙律，友人就食炸鸡脾沙律。鸡髀同埋猪扒都颇大件，但系有点炸过龙，现场睇的话颜色比较深，影相就唔觉。猪扒炸得比较干，鸡髀我就冇试到。配嘅沙律有少少诚意，虽然都系罐头水果，起码冇薯仔，唔会话用好多薯仔冲撑场面，降低成本，而且沙律里面有椰纤果，配埋炸嘢嚟食，感觉冇咁热气，不过都有一般茶餐厅嘅问题，就系太多沙律酱。我饮嘅系热鸳鸯少奶，冇咩特别，饮完都冇咩印象。正正常常咁啰。虽然我去嘅时候只系四点几五点，但见到好多街坊喺度食小菜，我打开餐牌睇吓，发觉佢啲小菜好多选择，同埋几抵食咁，走嘅时候行过，仲见到啲小菜几大碟下，打算有机会再去试吓佢啲小菜。