影片
更多
2025-01-05
61 浏览
坐低拣嘢食，睇餐牌，有下午茶餐，然后系统无此选择。问眼细细的女店员点解叫唔到，佢西口西面答我星期一至五先有，而你哋𠮶几张餐牌同promotion只系揾圈圈扣住，点解假日唔抽走星期一至五的下午茶套餐？得𠮶两页，我尝试打开个圈抽走𠮶两页，有几难？你下午茶时段拎个独立餐牌出嚟写住下午茶，客人会睇会拣有咩问题？依家系咪寻宝？入你哋餐厅要玩photo hunt? 要找错处？要同你哋做埋员工应该抽起𠮶两页餐牌嘅工作？之后我发觉落单落错咗，我系要乌龙豆干，落错咗乌龙豆干血米糕。瘦削男店员听到，同我取消咗个乌龙豆干血米糕，但冇加返个乌龙豆干。我话咗畀佢知：「我系想要乌龙豆干但我头先落错咗。」佢问落错啲咩？我答佢：「乌龙豆干血米糕。」然后佢好醒咁行开咗。呢个对话有几难明？咁算啦既然佢帮我取消，我都无谓再落过个柯打了，反正都冇乜胃口食了。或者我落旺角食嘢系唔应该有正常要求，我对你哋有期望真系唔好意思！但都唔该你哋改进吓，换餐牌𠮶样嘢唔系话咁难下话？唔洗成本架㖞。眼见员工喺度卿卿我我咁，又唔系好忙呀。
之后我发觉落单落错咗，我系要乌龙豆干，落错咗乌龙豆干血米糕。瘦削男店员听到，同我取消咗个乌龙豆干血米糕，但冇加返个乌龙豆干。
我话咗畀佢知：「我系想要乌龙豆干但我头先落错咗。」
佢问落错啲咩？
我答佢：「乌龙豆干血米糕。」
然后佢好醒咁行开咗。
呢个对话有几难明？咁算啦既然佢帮我取消，我都无谓再落过个柯打了，反正都冇乜胃口食了。或者我落旺角食嘢系唔应该有正常要求，我对你哋有期望真系唔好意思！但都唔该你哋改进吓，换餐牌𠮶样嘢唔系话咁难下话？唔洗成本架㖞。眼见员工喺度卿卿我我咁，又唔系好忙呀。
张贴