見城日本料理 (已結業)

今次系第四次帮衬，不过唔会再有第五次。电话订台时，待应小姐话来到未有台的话可能要等一阵，已有心理准备来到要稍等。订1pm，我12:40pm到，同男店员报到，叫我稍等。其间，有位女待应(高级店员)出黎安排带位，同样订左1pm而又迟过我o既人竟然可以先入。我同女待应讲，我订左1pm点解仲未有位。佢唔耐烦地话好快有。然后又有一班人黎，女待应向佢打招呼，仲话"x先，好快有位"(明显系熟客)，女待应又企图带另一班比我迟黎o既人入座，我忍唔住讲，"我o黎先，我订o左1点"。佢竟然黑晒面同我讲"唔好嘈啦！依家有位啦！"下！！呢种究竟系咩服务态度！？？？自己安排混乱唔肯认错不特只，仲要向客人发脾气，大好心情被佢一手破坏。 至于食物，叫左寿司套餐，附送o既蒸水蛋滑溜，合格，至于主角寿司水准真系麻麻地，饭团松散，有几旧一夹就松开，海胆冇鲜味、左口鱼冇鱼香，稍为好系拖罗、玉子、三文鱼子。$190一个set，唔合格。