影片
更多
2009-07-02
12 浏览
听同事讲已返食咗几回，今晚又在荃湾区活动，就专程行去试一试，事关佢位置系离开荃湾市中心，要在荃丰再行入多两个商场至到，佢系位处一楼的商场舖，舖仔细细，得廿零个座位，有两张枱甚至摆到出舖外边，隔邻都系其他类型店舖。论环境就唔可以有咩要求，张枱细到只可以摆两碟主菜，餐具size亦偏细，餐刀系头轻脚重，可能要就番细小嘅枱面挂 ; 泊埋墙嘅系sofa位，但系冇挨pan，差过茶餐厅，我虽然唔系坐入去，但感觉应该唔舒服。厨房同楼面可以话系分隔唔到，因为入面有一半舖位做咗厨房，男嘅做厨，女嘅负责楼面，只系用几块简陋嘅挂廉做分隔，同一般净做快餐嘅地舖冇乜分别。观乎今晚嘅menu，发觉推介菜式唔多，当然理解佢地嘅情况，虽然得七款推介，但系竟然两款羊架都系卖哂，咁侍应推介我地嘅两款牛柳，其中一款其实我已经一早谂住叫嘅，咁佢推介埋另一款威灵顿牛柳比我地，见佢咁有心，当然要问一问分别喺边，佢竟然话唔知道分别，但话都好多人叫、几好食嘅，咁嘅答案真系出乎我意料之外。全部推介都系跟饭、意粉或薯菜，再另加$10可跟餐汤、餐饮及蒜蓉包，而逢五、六、日食推介或晚餐仲可以优惠价享用酥皮海鲜汤、芝士焗蚝、芝士饼或Tirami
厨房同楼面可以话系分隔唔到，因为入面有一半舖位做咗厨房，男嘅做厨，女嘅负责楼面，只系用几块简陋嘅挂廉做分隔，同一般净做快餐嘅地舖冇乜分别。
观乎今晚嘅menu，发觉推介菜式唔多，当然理解佢地嘅情况，虽然得七款推介，但系竟然两款羊架都系卖哂，咁侍应推介我地嘅两款牛柳，其中一款其实我已经一早谂住叫嘅，咁佢推介埋另一款威灵顿牛柳比我地，见佢咁有心，当然要问一问分别喺边，佢竟然话唔知道分别，但话都好多人叫、几好食嘅，咁嘅答案真系出乎我意料之外。全部推介都系跟饭、意粉或薯菜，再另加$10可跟餐汤、餐饮及蒜蓉包，而逢五、六、日食推介或晚餐仲可以优惠价享用酥皮海鲜汤、芝士焗蚝、芝士饼或Tiramisu。
今晚我地叫咗两个牛柳餐、全部跟餐汤、餐饮及蒜蓉包，其中一个再加$15改为酥皮海鲜汤。
1. 忌廉汤 - 汤里仍有未搅匀嘅忌廉，一小旧一小旧浮沈于汤中，情况唔严重，但口感唔Creamy，味道淡淡的，感觉唔到忌廉嘅存在，而且冇加入其他材料嚟煮(例如磨菇、红萝卜、南瓜之类，给一般Cafe比下去，只可以同一般茶餐厅相比。
2. 酥皮海鲜汤 - 要另加$15，酥皮做得不错，唔会焗㶶，金黄色胀卜卜 ; 材料唔算丰富，有几粒蚬肉，加几粒日式蟹柳，汤底同之前嘅忌廉汤冇分别。
3. 鹅肝伴牛柳 - 鹅肝煎得过火，表面㶶得滞，其实佢用咁薄嘅鹅肝，应该轻轻煎一煎就算，脆皮当然欠奉，变咗质地鞋口，似食鸡肝多过鹅肝 ; 牛柳表面色水煎得唔错，不过侍应冇问过我地要几成熟，但系又唔见得厨师有几叻，因为两旧肉嘅生熟程度都唔同，其中一旧甚至系over done咗 (唔止系well done)，不过虽然系咁，但我估佢地应该有用上松肉粉 (或梳打粉)，还要是大量的，如果唔系冇理由睇见肉质又老又鞋，但仍然可以保持软熟 ; 而个汁虽然有黑椒，但一啲都唔辣唔香 ; 伴碟嘅系炸薯角，煎得表面金黄香脆，比主角还要好吃，而蔬菜则用上脆玉瓜+茄子，应该系冇烚过就煎，变咗两种瓜都未熟透心，
4. 威灵顿牛柳 - 唔怪得知侍应姐姐都讲唔出两只牛柳嘅分别比我地听，因为本人就认为两煮嘅味道好相近，唯独是呢碟嘅牛柳系medium well，食得出呢碟系煎得更加软熟，其余嘅伴碟大致一样。
5. 蒜蓉包 - 系我地突然省起嘅情况下，问返侍应，侍应至记得原来忘记咗落单。面包应该可以整得㶶啲，表面可以脆啲，用嘅唔系新鲜蒜蓉，而系用蒜油。
6. 热柠水 - 唔会有咩大问题，但系侍应就唔记得拎沙糖，不过老板设计颇为特别，亦都好醒目咁利用一只小玻璃杯嚟放置沙糖，不但别具心思，而且可以悭返印制糖包嘅钱。
7. 冻柠茶 - 已经落埋糖桨，茶味唔特别浓，中规中矩。
最后醒起同事推介嘅木槺布甸，侍应都系回覆卖哂，可能舖仔细细，唔会成日入齐货挂，但系佢系写喺推介黑板上面，试问就算几好生意，夜晚七点几又点会咁快卖哂呢.........
Comments: 总括而言，味道比茶餐厅稍为好，但环境及服务就稍逊，但又比一般真正嘅Cafe为贵，似一间家庭式经营嘅饭堂。以呢区、呢个地段、环境及食物，绝对系唔抵食，比同类食肆mark高一至两成 (已经冇加一了)，或者如果作为返工中午嘅一个落脚点会更为合适。
张贴
