越中意 (已結業)

自选茶餐$33 越式鸡丝河粉 越式粉卷 热奶茶越式鸡丝河粉: 粉底比较淡，应该冇落味精，鸡丝数量比较少，而且有d'鞋'。姐姐上菜果阵会问你要唔要辣椒(即系辣椒粒，香叶，青柠)。我加晒落去，今到个汤香左。一开始落果阵唔辣，但系会越食越辣，不过都系少少辣，反而到个汤更香。所以建议食果阵，一定要落d香料，因为唔落就成个面真系好普通。粉卷嘅外表唔太吸引，好似普通肠粉，但系一食落口，就会发觉佢同普通肠粉完全唔同，佢比一般肠粉香好多，而且上面嘅香料好脆，夹埋下面d肠粉，上脆下软，口感十足，值得推介。奶茶可能茶嘅比例太多，好涩口，一d都唔滑，即使加左糖都冇用。所以我最后都冇饮完。Overall个茶餐都几抵食，33蚊，食得饱，都几好味。不过记得唔好叫奶茶。