泰濃麵 (樂道)

营业中

休息中

屋企附近最近开咗间船面店，一直未有机会试，但就令我留意多咗，发现原来有唔少餐厅做船面，同朋友行经呢间喺尖沙咀嘅船面店，佢推荐话之前食过印象唔错。食物主打泰式汤粉面，配料可以拣牛肉、豚肉、鸡肉同海鲜，仲有五款面底同三款汤底。除咗主食之外，亦有少量小食同饮品可以选择。冬阴功汤金边粉一上枱已经香气扑鼻，份量唔少，冬阴功汤底够浓郁，而且配菜都几多。配菜有鲜虾、青口、蟹柳、秋葵同秀珍菇，相当丰富。我拣嘅顶级美国肥牛质素唔错，肥瘦均匀，上枱嘅时候半生熟，轻轻将牛肉浸落汤到就食得，肉质软腍，牛味浓郁。朋友拣嘅安格斯牛肉我亦试咗一块，果然系更优质，油花绵密，入口油香更重，贵廿蚊亦系值得。小食拼盘有齐三款小食，分别系泰式炸虾饼、炸鸡翼同炸芝士云呑，每款两件，两个人分享刚刚好。最欣赏炸虾饼，新鲜弹牙，外层炸得香脆但一啲油腻感都冇。炸芝士云吞好特别，香脆嘅外皮包住香喷喷嘅芝士，芝士味道唔算好浓，但恰到好处，趁热食仲有拉丝效果。蝶豆花特饮味道清甜，加上青柠檬更加清新。餐厅食物选择虽然唔算多，但胜在变化多，浓郁嘅汤头配上唔同级数嘅食材，有平有贵，俾客人自己选择，价钱亦非常合理。