豪華餅店 (已結業)

一场出到九龙城，唔系唔嚟探下豪华饼店下华！🤭我地每次到九龙城都会嚟豪华买糯米糍走， 今次都唔例外， 但去到见到我心爱嘅奶油包又好想食，好彩今次有为食姨甥同我一齐，所以我可以买一个share。买嘅时候店家婆婆叫我买最后一个，最初我听唔清楚，再问一次先知原来佢叫我唔好买普通奶油包，要买奶油排包，话好味好多，得返最后一个，唔买就走宝喇，咁我紧系听话啦😁🤭。果然用排包做真系好味好多，因为排包更软熟，带少少甜味，包本身系较薄片所以每口都食到幼滑奶油cream同椰丝香。我同姨甥争住食😁。而必买嘅糯米糍，夏天有芒果口味，好fresh好香甜，妈咪钟意食红豆馅，所以姨甥专程买返去孝敬佢亲爱嘅婆婆😏。