店小二

营业中

休息中

相信提起大牌档，北角东宝应该榜上有名，而呢间新店小二可以话系东宝嘅姊妹店。晚市都系主打小菜，不过今日就试佢个午餐。午餐都多选择，可以拣金边河粉或午市套餐，套餐仲会每星期转午餐menu，为附近嘅打工一族保持新鲜感。秘制麻辣海斑块饭 $58 加$3转无糖牛蒡茶充满辣油香喷喷，斑块好厚肉，肉质结实又有鱼味。仲有莲藕、云耳、海带结等等，如果可以再辣啲就好，同埋鱼块得四件唔够喉。砵仔古法蒸鸡饭 $58 奉送是日餐汤大大砵仔上，视觉上吸引次余又够哂热！即刻闻到个酒香，而且鸡有鸡味，肉质仲好滑。记得要淋埋个自家制葱油，好惹味。是日餐汤小店自己煲，无味精兼够哂滋润。无糖牛蒡茶、锡兰柠檬茶午餐加$3就有，罐装饮品就正正常常，不过有无糖选择都真系唔错。