廟街玉子燒

营业中

休息中

话说今年行维园年宵见到庙街玉子烧有摆档，本来想帮衬，但睇见条队咁鬼长就吓怕。上星期咁啱经过庙街，于是就过嚟食玉子烧。本来想叫个原味，哥哥话明太子或者蟹膏味多人拣，我怕明太子太咸，于是就叫咗个蟹酱流心芝士玉子烧。原来呢度系有堂食，就系放张细细嘅 bar 櫈喺路边当枱，一路食，隔离小贩大叔就一路准备开档，真系别有一番风味😆。讲返件玉子烧，原来都唔细，亦颇厚身，塞满咗成个透明胶盒。面头除咗郁郁木鱼丝之外，仲有沙律酱，卖相唔错。咬一啖，即刻 feel 到入面热辣辣嘅拉丝芝士同埋鲜甜嘅蟹膏，两者出奇地夹，食食下仲发现原来中间隐藏咗一条蟹柳。馅料就好丰富喇，至于玉子本身亦烧得刚好，唔会太老，够嫰滑，甜度也适中，总括嚟讲，系我钟意嘅味道🫶。