影片
更多
2020-02-01
812 浏览
本来冇谂住写食评 但基于无聊同少少既愤怒 第一次学人写。茶木向香港仔都开左好多年 但我都系一次都未食过 今次基于某D原因 终于去试一试。一到门口 第一个感觉系「座无虚席」既相反词（我唔知叫咩 我自问中文水平好差） 可能系我早到既关系 现场大把空位 任坐唔嬲 不过有样嘢好奇怪 明明第二行就有卡位 侍应偏偏要带我去远D既卡位坐 呢样我就真系唔明白😅。废话唔多讲 直接讲野食 今次我就嗌左三样野食 一杯野饮 先讲讲盐酥鸡 我就先唔明个金黄既意思系乜🤥 究竟系加左咸蛋黄定系个外表金黄色呢 原先两者都唔系 外表色水偏淡 又唔系加左咸蛋黄 就系一份普通既盐酥鸡 金黄呢个形容词可以完全无视 我愤怒既原因大部份都系因为佢 唔系讲佢太普通既问题 而系份量上既问题 睇餐牌好靓 好大份 有九层塔叶 感觉上好完美 但现实上 根本就系一份鸡粒 又冇九层塔叶 非常简陋 份量上更似一款小食 少得可怜 明明系晚餐时间 我以为自己食紧下午茶😪。古早味三杯中卷 简单讲就系鱿鱼圈 味道偏甜 有咬口 但冇咩鱿鱼味 味道上可以 但份量既问题
茶木向香港仔都开左好多年 但我都系一次
都未食过 今次基于某D原因 终于去试一
试。一到门口 第一个感觉系「座无虚席」
既相反词（我唔知叫咩 我自问中文水平好差） 可能系我早到既关系 现场大把空位 任坐唔嬲 不过有样嘢好奇怪 明明第二行就有卡位 侍应偏偏要带我去远D既卡位坐 呢样我就真系唔明白😅。废话唔多讲 直接讲野食 今次我就嗌左三样野食 一杯野饮 先讲讲盐酥鸡 我就先唔明个金黄既意思系乜🤥 究竟系加左咸蛋黄定系个外表金黄色呢 原先两者都唔系 外表色水偏淡 又唔系加左咸蛋黄 就系一份普通既盐酥鸡 金黄呢个形容词可以完全无视 我愤怒既原因大部份都系因为佢 唔系讲佢太普通既问题 而系份量上既问题 睇餐牌好靓 好大份 有九层塔叶 感觉上好完美 但现实上 根本就系一份鸡粒 又冇九层塔叶 非常简陋 份量上更似一款小食 少得可怜 明明系晚餐时间 我以为自己食紧下午茶😪。古早味三杯中卷 简单讲就系鱿鱼圈 味道偏甜 有咬口 但冇咩鱿鱼味 味道上可以 但份量既问题同上 我就唔多讲了。今晚最高分已经系呢碟意粉 茄汁味几浓 手工面几烟韧 份量正常 有翻少少食晚饭既感觉。饮品上 奶盖唔算好饮 又未至于好似M记既奶盖 质感上一饮就想呕（个人口味） 味道微咸微甜 不够浓味 茶味又唔算好出。价钱上 以上4样野 合计270有找（连加一）实在唔抵食 呢个价钱我相信在隔离萨利亚会够我地两个人食到呕出嚟 不过萨利亚系出名平 又唔可以拿嚟做标准。😎
整体讲 自问食量大既人想食一餐价钱相宜又份量十足既晚饭既话 呢间你可以放弃。（我食完之后仲要去麦当劳买个包食先至够） 味道其实整体唔错 只系份量太少 作为晚饭嚟讲。但自问就....绝无下次的光临。
（本来冇谂住写食评，所以冇食物图，只有单据一张）🤷🏻♂️🤷🏻♂️🤷🏻♂️🤷🏻♂️🤷🏻♂️
张贴