熊小館 (已結業)

情人节第一次嚟食，开头见到啲熊仔好得意，跟住入到去发现啲位好逼，张张枱嘅距离完全近到人都行唔到，要每次拉开张枱先行到。订位前佢落埋单，但我地嚟度之后无人帮我地确认多次个order,反而啱啱入嚟嘅客人就已经有人即刻帮佢跟。之后问返先帮我地跟进返，同埋连问牛扒几多成熟都无问就直接全熟咗，薯菜食落去唔系热而系暖，我唔知系咪唔够人手定点啦 嘢饮都要等好耐但都未嚟，最后我地连嘢饮同甜品直接放弃走。我觉得要改善嘅地方系枱与枱之间嘅距离同埋食物有待改进。