影片
更多
2024-07-01
83 浏览
本身凑住个BB，谂住坐得舒服啲，就叫侍应安排卡位给我们，揿飞后当然就要等啦，同时间个侍应话到Number嘅时候会通知我哋，咁我就叫咗个工人姐姐留喺度等，足足等左半个钟冇行开过，我谂住去洗手间𠮶阵都仲未到我哋，咁我就同揿飞俾我嘅侍应讲我哋张飞嘅Number系几多号，佢话下一张卡位系我哋喇，咁我就叫个工人姐姐唔好行开，侍应亦都知道个工人姐姐揸住咗𠮶张等枱嘅Number飞喺度等，之后，我就去洗手间，出返嚟，个侍应同我讲个Number已经过咗，我即刻问佢点解会过左，我去过厕所5分钟都冇，我个工人姐姐亦都喺度等紧，侍应亦都知道我工人姐姐揸住张飞嘅Number系下一张枱，工人姐姐亦都冇行开过。开头我都算，谂住下一张枱安排返俾我，一分钟后，见有卡位枱走，我就谂住入座啦，点知佢同我讲，话我哋过咗Number，要排过咗Number𠮶啲人既队，大约等多45分钟，当时即刻火都嚟。初初侍应同我哋讲话会通知我个工人姐姐，我先放心去厕所，我工人姐姐无行开过，佢冇通知我姐姐不特止，仲要当我哋过咗号码等多45分钟，真系不知所谓！元气，冇下次！
张贴