譽居

营业中

休息中

康城近期开咗新商场，唯一一间可以饮茶嘅地方就系誉居啦，星期一至五早上仲有孖宝优惠，星期六日都有嘅不过就要早啲起身。一般来讲性价比都唔错嘅，而且喺康城其实你都冇得拣㗎啦😂孖宝既套餐就喺晒上边嘅相，我自己个人系比较推介状元及第粥同虾米炸两肠，呢一个餐性价比真系好高因为平时食一碗及第粥就要40几蚊，碗粥包一粒肉丸啦仲有猪润粉肠猪心，非常之丰富。另外仲叫咗艇仔粥同埋咸肉糭，艇仔粥就会有鱿鱼丝同鱼片，价钱其实系平过状元及第粥，不过我自己就比较喜欢食多𩠌啲粥～另外仲叫咗凤爪排骨饭同埋粉果，但系我就冇影相啦！不过粉果都整得几好味而且非常之皮薄，入边仲加咗我最爱嘅粉葛！😋三个人最后埋单连埋+1同埋茶位总共系$142。睇到依度同你分享一件事啦，如果你本身有入开誉居会员系可以储积分， $10下次当一蚊用，不过依个会员唔系免费㗎，系要比$50先可以入会，所以如果你唔系成日帮衬佢就唔好入会啦。最后奉上一张正价嘅点心纸俾你地参考吓。