榮少喇沙 (已結業)

荣少喇沙嘅马拉菜正宗地道，一入店内见到别出心裁嘅壁画已经有种去咗旅行嘅感觉，叫咗以下嘅食物 :1️⃣龙脷柳鱼汤米线⭐️⭐️⭐️鱼汤非常清甜，鱼味突出之余唔会太咸，调校得啱啱好。龙脷柳好有鱼味，咬落唔会太林影响口感，外皮保持香脆之余唔会太油腻，刚好鱼汤冲走表面油份，令米线吸收左汤嘅精华仲有龙脷柳嘅油香😋2️⃣酥炸鸡扒饭⭐️⭐️⭐️炸鸡扒饭最紧要香脆，荣少喇沙就做得到！有啲餐厅会为咗做到香脆嘅外皮用得太多油，或者煲油放得太耐而有油益味，但系呢间餐厅应该有勤换油，所以炸物特别好味~最后叫咗两杯嘢饮亦都发挥中上，奶茶有港式风味，茶同奶嘅比例刚刚好，撞茶次数充足亦都令茶味更加浓郁～而特色饮品冻柠橙茶亦都好有特色，系茶味中有一点橙嘅清新，未试过嘅你不妨一试！