影片
更多
2022-05-29
137 浏览
睇个标题，一定系觉得我系西客，如果唔系个厨师就唔会无啦啦咁话你啦？听埋个故仔先⋯-行完山大约两点九，同妈咪第一次嚟到呢间餐厅食下午茶。因为我唔太饿，所以只有妈咪嗌咗个香脆下午茶餐。（餐厅无低消）炸鱼柳加西多士，热奶茶。-由于妈咪唔可以食甜，所以落单时已经讲明鱼柳唔要沙律酱，西多士咩酱咩牛油咩蜜糖都唔要，落单𠮶位职员就hea hea地话呢到咩都系自己落架㖞～～～咁好啦，你讲我就信你架啦🙋🏻♀️落完单睇到张单，见到得「西多士走酱」已经深感不妙⋯- 等咗7-8分钟，就见到一碟无走牛油既西多士同一块份量好大但有沙律酱既鱼柳；（抱歉因为本身无打算投稿所以无影相）见到咩都无走，好自然就同另一个职员讲返（有礼貌的），个职员收走就同厨房讲，因为我地坐近厨房，就听到厨房系到嘈，话张单只系打咗西多走酱、应该打全走咋㖞⋯无耐，一碟新既西多同鱼柳就上菜了⋯只见鱼柳切开一半，反过背面就见到拨开咗沙律酱既痕迹，碟上面仲有残留既沙律酱😂有说，临时演员都系演员，喂但呢碟嘢完全唔专业啰，真系当个客傻既？好声好气同职员讲，职员收走放返入厨房，叫厨师做过，高潮就来了😂😂- 只听到厨师两个收返嚟就系到闹闹闹，其中一个女人仲要
听埋个故仔先⋯
-
行完山大约两点九，同妈咪第一次嚟到呢间餐厅食下午茶。
因为我唔太饿，所以只有妈咪嗌咗个香脆下午茶餐。（餐厅无低消）
炸鱼柳加西多士，热奶茶。
-
由于妈咪唔可以食甜，所以落单时已经讲明鱼柳唔要沙律酱，西多士咩酱咩牛油咩蜜糖都唔要，落单𠮶位职员就hea hea地话呢到咩都系自己落架㖞～～～
咁好啦，你讲我就信你架啦🙋🏻♀️落完单睇到张单，见到得「西多士走酱」已经深感不妙⋯
-
等咗7-8分钟，就见到一碟无走牛油既西多士同一块份量好大但有沙律酱既鱼柳；
（抱歉因为本身无打算投稿所以无影相）
见到咩都无走，好自然就同另一个职员讲返（有礼貌的），个职员收走就同厨房讲，因为我地坐近厨房，就听到厨房系到嘈，话张单只系打咗西多走酱、应该打全走咋㖞⋯
无耐，一碟新既西多同鱼柳就上菜了⋯
只见鱼柳切开一半，反过背面就见到拨开咗沙律酱既痕迹，碟上面仲有残留既沙律酱😂
有说，临时演员都系演员，喂但呢碟嘢完全唔专业啰，真系当个客傻既？
好声好气同职员讲，职员收走放返入厨房，叫厨师做过，高潮就来了😂😂
-
只听到厨师两个收返嚟就系到闹闹闹，其中一个女人仲要重覆咗三次：
唔想食咪去第二到食啰！
唔想食咪去第二到食啰！
唔想食咪去第二到食啰！
Hey，厨师权力咁大既？
-
讲真客人要求就一早讲咗，你唔怪你同事打单将啲重点miss哂，怪个客人唔食你落错既嘢，成件事好搞笑，讲真可以食、可以拨走就唔叫你换啦！
算！本身都打算食埋就算，但见到呢碟嘢，真系忍唔住要Post上嚟，本来成条既鱼柳得返一半，好摆明系故意架㖞😂废事再讲会加料，食完就走，食个Tea食到成肚气！
-
有问题唔去解决，解决提出问题既人！
不禁赞叹一句：厨师权力真大😊
缩水鱼柳
$39
14 浏览
0 赞好
0 留言
张贴
