鮨和居食屋 (已結業)

夜晚喺銅鑼灣搵食，見呢間好多人都話CP值幾高，我又鍾意食日本嘢，阿仔都覺得可以試吓。永光中心基本上每一層樓一間餐廳，晚餐時間人流到幾多，要等一至兩部電梯才可以上到餐廳。門口裝修都有居酒屋feel，牆上擺滿晒好多唔同嘅清酒，幾吸晴。先叫一個廚師發板刺身（鮑魚、甜蝦、帶子、油甘魚、吞拿魚），擺設精美令人開胃。鮑魚係磯煮鮑魚，好鮮甜好爽口。油甘魚油脂分布平均，肉質鮮甜。甜蝦及帶子都係大size，鮮道十足。明太子薯蓉火腿卷，外皮炸得酥脆，加上自家製醬汁，味道有咸有甜仲有少少辣，豐富口感層次。牛肉壽喜燒，牛肉夠嫩滑，牛肉味濃厚，壽喜燒湯底亦唔會太甜，更能帶出牛肉嘅鮮味，分量亦唔細。鹽燒完條鯖魚，魚肉夠肥美，食落好有脂肪香味，魚皮燒得薄脆，魚身仍然好juicy。呢個價錢喺銅鑼灣食日式晚餐，又可以食到廚師發板嘅刺身，性價比高。