鮨本

营业中

休息中

今次來到銅鑼灣這家日本廚師發辦餐廳，他們的午市抵食又好食！有茶碗蒸、酒肴、壽司10貫、吸物和甜品，十分豐富。茶碗蒸有蟹肉和不少配菜，口感豐富，蛋味也濃郁。酒肴有兩款，八爪魚配上柚子鹽入味又有咬口，但係又唔會太煙靭；酥炸多春魚冇用額外的鹽調味，但係已經非常夠味，連骨都食得😋壽司有好多款，首先來了金線鯛昆布漬，昆布淡淡的味道特別但同時又食到魚味。池魚是我最鍾意的一款。梭子魚肉質比較鬆，仲有幾款貝殼類都唔錯～石垣貝同埋北寄貝都非常爽口，半生熟的赤足海老夠晒大牙，但同時又有刺生蝦的觸感🤤稻草煙燻鰹魚比較重口味，也比較特別，中拖羅醬油漬比起平時吃的拖羅有額外的鹹味，超喜歡超大嚿的紫海膽！最後仲有好特別嘅干飄卷。食完壽司就會上江戶前玉子燒，好香嘅芝士味，而且焗熱之後有多種味道混合。