影片
更多
2022-10-28
51 浏览
前菜系生菜沙律，入面除左有牛油果，蕃茄仔，青瓜，重点系佢地既秘制酱汁, 炸蒜蓉混合黑醋蜜糖，炸蒜蓉又香又脆, 酱汁酸甜适中, 作为开胃菜, 非常成功咁增加食欲。茶碗蒸🥚入面材料好足, 除左加入木耳，银杏，小香菇,仲有烧年糕加左入去增加口感, 芡汁由小贝柱淆制而成, 最特别左柚子皮落去。冇谂到茶碗蒸同柚子皮香味系咁夹, 比系出面食到既茶碗蒸多一重层次感。今次季节刺身有三款，包括：青森县左口鱼，北海道响螺同京都青鱼。左口鱼同青鱼表皮烤过, 所以食个时会有淡淡既烧薰味香味十足, 但得一提系同刺身一齐上既紫苏花,师傅建议除左就咁享用之外, 仲可以放落酱油到, 会令酱油有淡淡花香, 果然紫苏花好快出到味,有花香既酱油真系第一次食, 同料理既味道提升到另一个层次。寿司六贯🍣，包括：深海池鱼寿司、北海道𫚕鱼寿司、甜虾寿司、熟成十日中拖罗寿司、秋刀鱼寿司、北海道马粪海胆寿司。每一道鱼寿司都食得出食材好新鲜, 拖罗更加系入口即溶, 甜虾寿司听落去好普通, 但反而令我最回味既一件, 甜虾寿司上面加左甜虾蓉, 口感当然会更加丰富, 今次呢一款甜虾超级creamy, 作为甜虾爱好者, 真系要比佢100分。北海
茶碗蒸🥚入面材料好足, 除左加入木耳，银杏，小香菇,仲有烧年糕加左入去增加口感, 芡汁由小贝柱淆制而成, 最特别左柚子皮落去。冇谂到茶碗蒸同柚子皮香味系咁夹, 比系出面食到既茶碗蒸多一重层次感。
今次季节刺身有三款，包括：青森县左口鱼，北海道响螺同京都青鱼。左口鱼同青鱼表皮烤过, 所以食个时会有淡淡既烧薰味香味十足, 但得一提系同刺身一齐上既紫苏花,师傅建议除左就咁享用之外, 仲可以放落酱油到, 会令酱油有淡淡花香, 果然紫苏花好快出到味,有花香既酱油真系第一次食, 同料理既味道提升到另一个层次。
寿司六贯🍣，包括：深海池鱼寿司、北海道𫚕鱼寿司、甜虾寿司、熟成十日中拖罗寿司、秋刀鱼寿司、北海道马粪海胆寿司。每一道鱼寿司都食得出食材好新鲜, 拖罗更加系入口即溶, 甜虾寿司听落去好普通, 但反而令我最回味既一件, 甜虾寿司上面加左甜虾蓉, 口感当然会更加丰富, 今次呢一款甜虾超级creamy, 作为甜虾爱好者, 真系要比佢100分。北海道马粪海胆味道浓郁又甘甜,系近期食过最鲜甜嘅海胆 。
干飘卷物
干飘由日本葫芦瓜刨成细丝, 再用糖、盐、豉油、味醂同油腌制, 师傅好细心, 见到系女士享用会将卷物切细件D, 方便享用。
目干鱼南瓜Tempura
酱汁系用左樱花虾同木鱼浸左三日而成, 目干鱼炸到香口但唔油腻, 南瓜可以试下就咁食, 试下食物既原味, 就算唔落任何酱汁或盐, 都已经好甜, 因为食材够新解同优质。
🥣面豉汤系用赤面豉同白面豉煮成, 加上日本豆腐,紫菜,滑子菇同葱,咸淡适中, 饮多D都唔会想饮水。
甜品有雪糕🍨首选大推姜味同杏仁咖啡味, 姜味雪糕一般系市面都比较少见, 绝对值得一试。因为雪糕由牛奶制成, 加埋姜味有D似姜味撞奶, 姜原有微微既辣味变成雪糕, 真系非常正
值得一提既系呢到既姜渍物, 姜渍物其实系比大家每食完一道菜既时候清新一下味蕾,一般食店既姜渍物都会比较酸或辛辣，而呢到既姜渍物系由师傅特别再醋、糖再调过味, 真系食到停唔到口。一间连渍物都咁用心制作既食店, 绝对系值得支持👍🏻
张贴
