Three Dice Kitchen (已結業)

周五晚同honey拍拖拖，最多鬼主意o既佢又有新搞作，今次就系要喺三骰厨房「Three Dice Kitchen」立食一小时，见证分子料理o既制作及品尝科学o既结晶 。小店面积有限，每次顶多可招呼十三位客人，加上要控制人流，用餐更划分时段，所以食客光临必需预先订座。为咗要享用「早鸟优惠」，亦即每人节省六十蚊 ，精打细算o既honey更预订六点正o既头轮。顾名思义，「Three Dice Kitchen」系一个厨房，不过因用上o既厨具同化学室内o既器具极为相似，感觉其实似系实验室多啲 。立食用餐位置只有一张以霓红灯照明o既半弧形长枱，都几cyber吓。走廊及枱下都有挂勾供客人摆放衣物。餐桌上摆有每人一套铁造餐具，除咗多咗个钳之外，其他小叉、小羮、小刀都好的骰别致。六点未到，第一轮o既食客已经到齐，几位年轻o既店员亦喺厨房忙碌起黎，并由唯一o既男生讲述每道𩠌菜o既处理过程及烹调方法。据悉，餐单只有一个，内容会不定时更改。＊晶球化作用＊哈密瓜分子晶球配西班牙黑毛猪火腿：第一道菜哥哥仔先攞出三碗透明液体及一碗哈密瓜蓉。原来当哈密瓜蓉被放入钙水，就可凝固成晶球状 。哈密瓜分子晶球经过清洗