鴨大哥 (太古坊)

营业中

休息中

鸭大哥🌟北京烤鸭🌟云南黑土猪叉烧🌟梅子荔芋鸭煲🌟桂花雪梨脆鳝球🌟头抽煎封大虾最近听讲Michelin 3 stars 嘅厨魔开咗间新派中菜主打北京烤鸭，作为一个钟意食中菜嘅Foodie当然要去试下la。我哋order咗全只北京烤鸭，chef 主要将烤鸭分开左2大part, 一部分以烤鸭皮为主，一部分鸭肉为主。烤鸭皮嘅话推荐点麦芽糖食，有少少似传统嘅砂糖食法，但系会更加香，同埋更加突出烤鸭皮嘅脆。而鸭肉部份嘅话，餐厅准备咗传统嘅甜面酱同埋日式芝麻酱，两款加埋一齐令到成道菜冇咁油腻，可以食多几啖片皮鸭啊。我哋都叫咗啲小菜一齐食，个人比较钟意梅子荔芋鸭煲同埋桂花雪梨脆鳝球。荔芋鸭煲入面嘅芋头应该系先炸再炆煮，充满住酸酸甜甜嘅味道，但系口感又外脆内糯。超级好食，甚至比起鸭肉，我更加钟意食佢嘅芋头。至于桂花雪梨脆鳝球呢一道菜，我觉得佢整体嘅感觉都系比较清新，虽然系炸鳝球，但系食落冇负担，加上半个桂花雪梨作为伴碟，最啱同埋烤鸭一齐食啊。呢间餐厅整体质素都唔错，而且价钱唔贵，四个人买单都系千二蚊，觉得值得回头再食。