甜公館

营业中

休息中

喺庙街食完煲仔饭唔够喉，转角位就有呢一间甜品店！✨鲜奶桃胶雪燕炖椰皇冬天总会心思思想食椰皇，鲜奶好滑捋捋，桃胶雪燕亦都好滋补，食完好暖胃好润～✨Tiramisu 手指饼嘅口感好香脆，咖啡味嘅cream亦都唔会过分嘅甜漏，配上一球曲奇味嘅雪糕，好夹～✨黑糖麻糬焦糖炖蛋当炖蛋都可以千其百趣，加上咗麻糬正正添咗一份新嘅口感，烟烟韧韧又软糯，炖蛋比起想像中嘅结实。✨焦糖香蕉窝夫窝夫唔系特别重蛋香，厚度亦都略嫌不足，不过胜在有雪糕嘅搭配同埋焦糖香蕉，令整个甜品更为丰富。