廟街香辣蟹

营业中

休息中

擒晚去尖东行街，行行下唔觉意地行到油麻地庙街，于是就在附近食饭。见庙街"香辣蟹"呢间店咁多人帮衬，大排档咁，就想试下，点知就食到咁一肚气。先系连茶都无杯，再到点餐时个女侍应黑口黑面，等食时见到附近两枱人客等到唔耐烦，侍应又接二连三上错菜，客人投诉，个侍应仲恶过人。谂住算啦，食物好食就OK 啦，点知又系大失所望。几只椒盐濑尿虾细只到连肉都无，要成九十蚊，炒蚬又唔够镬气，一Ｄ都唔惹味。酱油豆豉鸡煲竟然唔热，就咁俾佢昆左差唔二百六蚊。唔怪得大多数系游客，本地香港人点会好似我咁去食，一次中招，已经列入黑名单。服务恶劣最可恶，食物更加唔得，份量少又唔热。Ｄ游客来香港食，以为呢Ｄ就系香港风味.....