Browny At Industrial (已結業)

葵芳区厂厦有唔少食堂，但多数以茶餐厅或快餐等形式经营，想在午餐时间悠闲一下放松心情，左揾右揾总算比我揾到间可以坐得舒服，放松一下返工紧张心情既 browny at industrial!我地一行两个人就揾左午餐时间上去，佢地有意粉，意大利包，自家制cheese cake，pancake等等食物，饮品方面就有各款有机花茶，各款手调咖啡，单品咖啡等。咁我地呢两个懒人就点左两个意大利包，可以自选两种馅料，我地一个点左吞拿鱼加碎蛋，另一个就火腿吞拿鱼，个包有烘过所以入口个阵有脆既口感同埋热热地，馅料除左点左既两种之外仲有生菜系入面，仲加埋新鲜既小沙律，味道啱啱好，啱哂我地钟意食简简单单又一餐既人。加18蚊仲可以加配一杯咖啡或花茶，杯cuppacinno味道不错，系我钟意饮既甘甘地但系唔酸，泡沫丰厚而且够哂热。花茶就系我朋友既，佢拣左白玫瑰花茶，有玫瑰既花香味，但无平时饮红玫瑰花茶个仲涩涩地既味，而且仲有得加水，真系very nice~而且环境一啲都唔逼，完全可以一边饮住杯靓靓拉花既咖啡或者花茶hea一下，虽然只系短短放松一粒钟，就要返凡间继续努力工作，但此处不失为一个可以安逸食返餐晏既好地方。