影片
葵芳地鐡站A出口,经过葵芳村商场后经天桥对面马路, 步行约8分钟
继续阅读
附加资料
只提供預約包場
营业时间
星期一至五
11:30 - 19:00
星期六
12:00 - 18:00
以上资料只供参考，请与餐厅确认详情
食家推介
呢間主打咖啡既小店都有意粉，三文治等提供。其實呢種小店在葵芳工厦真係少之又少，cafe都應該只有呢間。餐廳環境好適合嘆杯咖啡，在下午慢慢坐低睇下書。當然返工只可以食個lunch。其實都黎過好幾次，喜歡餐廳用心製作既食物同環境。但係黎食最好預先book定位，最好講埋食咩等餐廳可以預先準備。因為餐廳始終係小店，人手不足，唔想等咁耐就就得book位喇。餐廳午餐都算多選擇，同一般cafe差唔多。是日意粉係紅菜頭汁蘑菇帶子意粉-好特別，又健康！帶子煎得剛剛好，意粉味道雖然偏淡，但煙靱，唔錯！雞肉意粉- 雞帶點偏咸，但整體意粉同汁都幾好味。由於人手不足，店員都忙得不可開交！作為用心經營既小店，我覺得值得支持一下！
继续阅读
葵芳這個地方，除了以前暑假打工時常來外~已經很久沒有來這邊了(特別是工業區)！這天會來是因為有朋友辦的生日會選了這附近的Party Room ~不過距離開始生日會和晚飯還有一段時間，所以便和其他的朋友找找附近有沒有什麼餐廳/Cafe之類可吃下午茶。在數個選擇中揀這一家是因為 ～看到照片感覺像會讓人放鬆心情的地點呢 ^^ 來到後覺得這裡確實有點點像「家」的那樣子～但如果有淡淡的咖啡香就更好嘛餐點方面，都是比較簡單的料理。佔大多的都是沙律或是麵包之類，也有全日早餐和意粉。款式不算特別多~但已足夠讓客人選擇了吧我選了 - 即烤三文治配沙律 ($42)沒想到單是三文治已經有三款可以選擇～牛角酥、意大利包、珍寶香草番茄意大利包。三款包的價錢也不一樣，本來我是選牛角酥的，但店員說沒貨 >< 只剩下珍寶香草番茄意大利包這個！選好包之後，還可以在五款配料 (芝士、火腿、吞拿魚、番茄、碎蛋) 中自選2種 配料選的是番茄和碎蛋！！很豐富~爽脆的番茄很多汁，碎蛋亦落足料還配了清新的生菜而且那個意大利包還有烘過，吃起來帶點脆脆的又不會太乾。比起出面很多三文治～這吃起來一點也不像是馬虎的料理來喔 ～飲品的話，當然是選咖啡吧！我點的是 - 榛子鮮奶咖啡 (原價: $36)(點主食後可+$18享用任何$28以下的飲品，其他補差價便可)很多時都會飲到一些偏甜的，但這杯的甜度完全合乎我喜歡的～推介給喜歡少甜的您。而且榛子和咖啡的味道很平均～口感亦很順滑！
继续阅读
公司附近已經食飯食到悶．咁岩見到街邊既拉架見到有樓上Cafe．即刻同同事去試下一出電梯就見到呢間野．同埋好香好香既麵飽香😌裡面唔算多人．好快就有位我地點左兩個時日意粉再加咖啡Carbonara 味道ok．唔濃味感覺健康帶子墨汁意粉都幾好味．但唔知點解兩款意粉上檯時都唔算好熱．熱D會更好🤔我地叫左MOCHA☕️👍🏻very nice但呢度既時間比較慢活．每樣野出既時間都比較慢．如果要Lunch後要準時返公司既話就要早D去啦！
继续阅读
難得同大少一齊放假~ 緊係要對自己好啲~ 好耐冇食egg Benedict ，上網搵搵搵，搵到呢間cafe，雖然係工廠區，不過地鐵行去都係5分鐘左右，大少冇得say no啦！嘿嘿！一上到去，舖頭完全同出面工廠走廊好唔同，入面好光猛，好warm，俾人感覺好舒服~仲有佢地有好多旅遊書，坐下睇下書，超relax，好正呀！不過……我最愛嘅 egg Benedict 冇得食啊～個女仔行埋黎同我講，唔好意思，今日冇egg Benedict ，我忍唔住表露咗個勁失望嘅樣出黎，佢都非常唔好意思，另一個女人就話因為個汁嘅問題，所以最後叫咗個帶子意粉~另外叫咗杯柚子茶，佢寫明係日本真目堂嘅茶，又真係幾好飲架喎！大少叫咗杯Latte，好有心機嘅拉花，咖啡都好香好滑！我嘅帶子意粉，好香牛油味， 絕無欺場，意粉軟硬適中，仲有好多菇菌，另外配埋嗰塊包都好香好脆~大少叫咗個All day breakfast ， 炒蛋炒得好滑，好有蛋香味，不過腸仔就有啲奇怪，好似有少少似臘腸， 但係成個餐都好豐富，大滿足~總結~ 成間餐廳俾人感覺好舒服，好relax，幾個侍應都好warm好有親切感，食物都比出面啲cafe做得出色~ 希望可以繼續keep落去，下次我一定要去食個egg Benedict 架！
继续阅读
放假嘅日子就梗係要尋覓一下歎啡嘅好地方。葵青區的咖啡店少之又少。要找間好飲的就更難。試過葵興工廈嘅咖啡店，都頗不錯。今次就想試下第二間新店。所以就去了Browny~呢度也是工廈feel。門外門內兩個感覺。門外冷冷的，門內就暖暖的。地方頗大，可以容納不少客人。坐向度飲野都算頗舒服的~叫左個煙肉蕃茄生菜意大利包，俾我想像中大個。仲擔心會不夠飽😝麵包是烘過的，外面脆脆，內裡又軟軟。雖然饀料唔係話好多，不過配埋個醬汁，整個味道不錯！煙肉又不會油膩👍🏻終於我的主角出場了。我平時只飲black coffee，但我近來愛上了一杯名叫dirty嘅咖啡，亦即刻呢度叫嘅Browny😍。佢其實係先把凍奶倒入杯，然後再倒入Espresso 。由於espresso向面，所以你第一啖飲落去係好濃嘅咖啡味。然後你一路飲嘅時候，又有凍又有暖的感覺，很過忍。總點係咖啡的味道無俾奶蓋過。呢個便是我喜愛呢杯咖啡嘅原因👍🏻
继续阅读