留家廚房

营业中

休息中

阿妈生日，专登成家人一齐去食铁片仔灌汤饺，我地叫咗5只，一人一只，但其中一只个皮边好硬，明显系摆最顶𠮶只蒸得唔够透。灌汤饺都几大只，但只铁片仔就细咗少少，将只饺移落碗想唔穿皮都真系有少少难度。猪润烧卖及虾饺好食，又其猪润烧卖，摆凉咗件猪润都唔会又硬又嚡口，另外好欣赏蓝莓骨，酸酸甜甜好开胃。铁片仔灌汤饺系我童年回忆，所以嚟嘅原因都系为咗想食灌汤饺。而餐厅都坐得舒服嘅，每张枱都唔会好近，所以唔会同其他食客背对背坐。