有您有我 (已結業)

前排鬼死咁冻，本来谂住食粥，行到来海皮呢边就更加冻，见到呢间野ｄ扒廿蚊有交易，都系费事行咁远（查实系行都两三步），就食呢间啦。入到去好多人打边炉呀，其实我都想，但两个人打又唔抵，于是都系stick to个扒餐。其实廿蚊系有ｄ取巧既，因为配饭加５蚊，配意粉加１０蚊，配野饮加７蚊。由于我地冇钱，又唔算太饿，所以乜都冇加。我地叫左个杂扒（牛猪）配黑椒汁同鸡扒配蒜茸汁。两个扒都热辣辣，又有ｄ薯菜伴碟，唔知系咪个日冻得滞呢，好似觉得好好味咁？呢间餐厅铺天盖地都系电视，唔睇富贵门都唔得，除非你净望住ｄ食物啦！