Poppy

营业中

休息中

十月新开到而家已经半年有多，但似乎网上未有讨论poppy嘅风向。简洁黑色嘅装修，有酒枱位，又有二人四人座位。坐吧位睇住大厨一手包办所有出菜，完全0油烟味。餐牌款式唔多，感觉每样都精心设计过，值得一试！*Mushroom croquette $25/pc新鲜炸到外壳脆卜卜，内馅系黑松露忌廉，软滑够香浓，推荐一人一粒。Beef tartare $86最底系脆皮千层薯仔酥，牛油味好香但略油。牛肉他他混合鳀鱼酱、海苔碎，肉味香浓，有少筋位，鳀鱼酱独特风味大大提升咗牛肉嘅鲜味。Pluma $228先将黑毛猪肩脊肉外层煎熟，再浸入58度热水慢煮，肉味香浓，肉质嫩滑但又保留到肉嘅咬口。碟上有三种酱汁：自制西班牙青酱、法式肉汁和枝竹酱，点汁食都唔错，但惊喜唔大。Kiwi & strawberry $76士多啤梨、奇异果粒+蜂蜜脆饼+柚子雪葩，即席倒入西瓜冷汤+琴酒。雪葩微酸，脆糖好甜，冷汤更甜，所以整体太甜，而且份量略少。