櫻羽花

营业中

休息中

过年后第一次聚埋食午餐～由于中式餐厅太多人，又唔想食西餐，所以大家睇完openrice食评后选择咗呢间日本餐厅！店舖细细环境不错，都坐得舒服。我哋4人都选择咗严选寿司10贯！套餐配沙律，面豉汤，10件寿司同甜品。沙律菜新鲜爽口，面豉汤ok。寿司即整，都等咗接近20分钟，件件都新鲜好味。吞拿鱼虽然不是拖罗级数，但都有鲜味，唔系d古怪雪藏味，比起附近寿司店嘅质素好好多。另外生带子同虾都唔错，个人最钟意食海胆！侍应服务态度好好，同埋记得我哋要求走黑松露。午餐$148性价比高，下次午餐想食寿司会再嚟。