古早牛肉麵 (已結業)

今日，好开心约咗朋友一齐去深水埗既古早牛肉面食台湾菜～听讲呢间餐厅都唔错，去到大约七点左右，店内仲有少量位置，入到去就有位坐，几好～不过要去都系早啲去好啲，费事要等位😂我哋叫咗一人一碗面：招牌红烧牛肉面同埋半筋半肉汤面～啲面睇落都好吸引，价钱都亲民，唔算太贵，大约60蚊一碗。招牌红烧牛肉汤面，有两种面俾大家拣：汤面或者米粉，我拣咗米粉，味道都唔错，红烧牛肉都几入味，整体系好食嘅～我哋仲嗌左一个小食：鱿鱼，鱿鱼吹卜卜咁，味道唔错，可以一试！之后我哋就嗌左一人一杯嘢饮：招牌珍珠奶茶同轻芝士岩盐奶盖朱古力，独立包装，好似平时出去饮连锁店嘅珍珠奶茶一样，个人觉得珍珠奶茶都几好饮，啲珍珠软硬适中、啲奶茶味道都几好，唔会太甜又唔会太淡～总括而言，呢间餐厅系值得大家去嘅，经过深水埗嘅朋友可以去试一试，买单都唔使$200～正！