影片
更多
2015-05-22
1460 浏览
一年一度嘅母亲节又到啦~除咗自己要庆祝之外，当然仲要同埋我最爱嘅母亲大人一齐食返餐好ga la！之前曾经系呢间三姐厨房食过一次，用餐感觉非常良好，上次因为有事所以join唔到朋友再o黎食，所以决定今次就系呢度食多一次！因为上次嘅菜式已经好满意，而且又唔贵，所以今次都决定再食返同一个餐！原本谂住母亲节正日去食，可惜，我已经预早o左成十几日打去订枱，但竟然都系full booking，仲要前前后后𠮶几日都爆晒，超唔开心...好彩，最后屋企人就到日子，所以就选择提早几日庆祝啦！订枱嘅时候，店方仲好贴心咁问我有冇小朋友同手抱BB，话可以预返D high chair俾我，Very Nice！(之前曾经系观塘食过另一间私房菜，已经一早讲明有两个五岁嘅小朋友，点知去到佢地只预咗大人位，连餐具都冇、张枱又迫又细，激到我地死咁滞)订完台收咗线，突然谂起𠮶几只蟹！！！即刻大大胆咁打返去，问佢地可唔可以帮我转羔蟹~我讲明唔介意加钱，但店方话羔蟹比较难揾到大大只，而且母亲节比较忙，尽量帮我安排...原本都谂住又冇得食羔蟹，点知一上菜！！个个都"哇"！！！因为真系好鬼大只，又鬼咁多羔！！！系我地全家都最钟意嘅肥
除咗自己要庆祝之外，当然仲要同埋我最爱嘅母亲大人一齐食返餐好ga la！
之前曾经系呢间三姐厨房食过一次，用餐感觉非常良好，上次因为有事所以join唔到朋友再o黎食，所以决定今次就系呢度食多一次！
因为上次嘅菜式已经好满意，而且又唔贵，所以今次都决定再食返同一个餐！
原本谂住母亲节正日去食，可惜，我已经预早o左成十几日打去订枱，但竟然都系full booking，仲要前前后后𠮶几日都爆晒，超唔开心...
好彩，最后屋企人就到日子，所以就选择提早几日庆祝啦！
订枱嘅时候，店方仲好贴心咁问我有冇小朋友同手抱BB，话可以预返D high chair俾我，Very Nice！
(之前曾经系观塘食过另一间私房菜，已经一早讲明有两个五岁嘅小朋友，点知去到佢地只预咗大人位，连餐具都冇、张枱又迫又细，激到我地死咁滞)
订完台收咗线，突然谂起𠮶几只蟹！！！即刻大大胆咁打返去，问佢地可唔可以帮我转羔蟹~
我讲明唔介意加钱，但店方话羔蟹比较难揾到大大只，而且母亲节比较忙，尽量帮我安排...
原本都谂住又冇得食羔蟹，点知一上菜！！个个都"哇"！！！
因为真系好鬼大只，又鬼咁多羔！！！系我地全家都最钟意嘅肥美爆羔蟹呀~~~yammy yammy~~~
餐饭虽然只系短短𠮶两个钟，但见到妈咪食得咁开心，竟然由头食到落尾，我地全家人都觉得好感恩~
开开心心，又欢度咗一个母亲节啦！~
最后一提：其实见到𠮶碟蟹，我都几忐忑不安，因为真系唔知要补几多钱...>.<...点知一埋单，我又即刻哇哇哇...点解咁平ga！！！我地十四个大人，叫咗$288个𠮶餐，但埋单连加一只系$4535，咁咪即系羔蟹嘅钱净系收咗我100蚊咁大把(上次激死我𠮶次食咗超过7仟，又赶头赶命咁出菜，好似想快d赶我地走咁...离谱到爆炸)
因为怕系收银计错数要佢赔，所以我都有问佢地系咪计漏咗转羔蟹嘅钱；
店方就话因为我好好倾，每次o黎又都食得咁开心(笑到嘈住人𠮶只^o^)，所以就蚀俾我都冇所谓咁话呀~真系超级大感动！因为荷包又可以重返D啦~ ^___^ ~
我同我honey讲一定会继续帮衬~~
我honey即刻同我讲：老婆，妳咁难服侍都咁钟意呢间嘢，不如妳问o下人地比唔比妳入股啦！~~hahahaha~~
姜葱炒超大只羔蟹 - 好味、好味、好味！！一食即爱上~~~
题外话/补充资料：
除o左食物质素，店员嘅态度都非常重要！
呢间私房菜，不论食物同员工，我都要俾一个"超级赞"呀！~~ ^^ ~~
(以上食记乃用户个人意见 , 并不代表OpenRice之观点。)
张贴