影片
更多
2019-05-13
384 浏览
可能适合对象：开心果栗子双重芝士蛋糕甜度（5星最甜）：⭐️⭐️⭐️浓度（5星最浓）：⭐️⭐️⭐️🍴：餐刀 ✖️/ 蜡烛 ✖️ / 冰袋 ✔️/ 纸盒✔️🏷：✖️（母亲节蛋糕就未有得做住）💬：当日去到舖头，两位职员都好Nice。仲听到有游客唔知拣咩味嘅酥皮挞，佢哋都好Helpful。香港今时今日，唔系必然㗎啦，明啦！🛒：九龙城、上环、太子，将军澳🔘：个装 6”💰：$368（85折完，约$313）————————————————————————性价比：中仲有一个星期就到母亲节，大家做好准备未？咁重要嘅日子，Caketionary又点能够唔介绍返吓母亲节蛋糕呢应吓节呢？今年，我哋有幸可以介绍到「酥妃皇后」嘅母亲节蛋糕俾大家！首先，饼店个名经已够贴切，母亲仲唔系皇后！？再者，今次母亲节嘅蛋糕仲要系开心果，讲真，做仔女嘅，都好想妈妈日日开开心心，所以我觉得𠵱个蛋糕喺母亲节送俾妈妈，真系可以特显到佢哋嘅地位，同时又可以Show到你嘅孝心，真系啱到不得了！蛋糕方面，先由上至下咁讲啦。蛋糕面系由多种nuts所配合去增加口感，包括有合桃、原粒糖渍栗子、杏仁、腰果、栗子蓉、两片酥皮同开心果仁粒，所以钟意合桃定腰果，分之前好拣定
甜度（5星最甜）：⭐️⭐️⭐️
浓度（5星最浓）：⭐️⭐️⭐️
🍴：餐刀 ✖️/ 蜡烛 ✖️ / 冰袋 ✔️/ 纸盒✔️
🏷：✖️（母亲节蛋糕就未有得做住）
💬：当日去到舖头，两位职员都好Nice。仲听到有游客唔知拣咩味嘅酥皮挞，佢哋都好Helpful。香港今时今日，唔系必然㗎啦，明啦！
🛒：九龙城、上环、太子，将军澳
🔘：个装 6”
💰：$368（85折完，约$313）
————————————————————————
性价比：中
仲有一个星期就到母亲节，大家做好准备未？咁重要嘅日子，Caketionary又点能够唔介绍返吓母亲节蛋糕呢应吓节呢？今年，我哋有幸可以介绍到「酥妃皇后」嘅母亲节蛋糕俾大家！首先，饼店个名经已够贴切，母亲仲唔系皇后！？再者，今次母亲节嘅蛋糕仲要系开心果，讲真，做仔女嘅，都好想妈妈日日开开心心，所以我觉得𠵱个蛋糕喺母亲节送俾妈妈，真系可以特显到佢哋嘅地位，同时又可以Show到你嘅孝心，真系啱到不得了！
蛋糕方面，先由上至下咁讲啦。蛋糕面系由多种nuts所配合去增加口感，包括有合桃、原粒糖渍栗子、杏仁、腰果、栗子蓉、两片酥皮同开心果仁粒，所以钟意合桃定腰果，分之前好拣定啦。但放心，除咗面嘅6款Nuts之外，成个蛋糕保守地可以分到8份，食边件都好，里面都一定会食到果仁粒！咁啱，8件当中，每一件都分到有开心果粒，大牙嘅凹位都可以充分地俾开心果粒堵塞咗。Nuts食得出脆口，唔系过期腍身嘅Nuts，唉哟，不错哟！
而蛋糕嘅内涵系由两层不同嘅口感层次做成。先系由Mascarpone芝士加栗子做成。栗子好浓味，好香，好轻身，好Soft，系食唔出好有罪恶感嘅芝士蛋糕感觉。虽则唔太食得出重芝士味，但栗子味好突出，好似食紧栗子蓉咁，又唔太甜，钟意栗子蛋糕嘅人会几钟意𠵱一层。
而下一层，口感系明显唔同，佢系开心果芝士蛋糕层。𠵱层就真系似食紧New York Cheesecake咁，糊口浆口一啲，但有香浓开心果味。食嘅时候，「Depp」真啲，系真系有开心果味，仲带有重芝士味同少少芝士原有嘅酸味。而啱啱所讲嘅，啖啖都有开心果粒，就系因为𠵱层芝士蛋糕层内藏开心果粒！咬中咗的话，系真系食到好香嘅开心果味，的确唔错。但「Nuts多人不怪」，𠵱层再多啲会更Happy。而我觉得最为可以挑剔嘅部分会系个颜色较为莹光，有种玩具感，但唔影响味道啫。
至于讲到𠵱个蛋糕系酥妃皇后嘅出品，又点可以冇「酥」呢？啲酥就系围系外围嘅绿色片片。望落，成个蛋糕好草原，但食落其实唔系话好做到「画龙点睛」嘅效果，更会觉得有啲嘥咗，因为口感冇话提升得好紧要。反而，如果个底，系用脆口松化嘅酥皮底做成，而唔系用海棉蛋糕，可能会做到一个层次系「软、绵、脆」嘅感觉。
如果你妈妈系一个钟意栗子，或者Nuts嘅爱好者，我相信会好啱佢口味！唔怕话俾大家听，我妈妈经已率先试咗，佢钟意嘅程度系食咗成个Quarter！一个Quarter呀！
之但系其实佢仲有另外三只味，分别系芒果🥭、 伯爵茶咖啡☕️，同埋红莓玫瑰🌹味俾大家拣！大家距离12号仲有一个星期，要订，快手啦，Caketionary难得有优惠呀！！
开心果栗子双重芝士蛋糕
$368
17 浏览
0 赞好
0 留言
张贴
