影片
更多
2019-12-13
521 浏览
成个香港都系二恶英，身边好多朋友啲皮肤都生到一挞挞。城市既空气比催泪弹污染到唔适合香港人呼吸，呢个星期五决定约埋三五知己放工跑上山抖下气。由乐富出发，跑上狮子头俯瞰一下呢个唔再熟悉既香港，再系世界花园落山。落到山黎都成9点，打开和你eat睇下仲有边间黄店未闩。见有一间叫屋子咖啡既，但睇佢网上menu好似得咖啡同甜品，无正餐食，不过得返呢间咁夜都未截单，就去试下啦。呢间讲过见到警暴好愤怒同疼心，决定唔会再招待黑警公安。揾到间舖，见坐得好满，要等一阵，睇下啲人食咩，发现原来有serve乌冬啊咖喱啊定食啊茶渍丼啊饭团咁，睇黎呢镬做完运动都变肥仔了。（建议返餐厅更新一下网上既餐牌。）各自嗌左个主食加饮品再加甜品。$72 关西牛肉定食$42 黑芝麻豆腐奶昔$55 燕麦梳乎厘做完运动食咩都好味，特别个梳乎厘真系好香好软绵，边边果个少少脆既皮最好食。杯奶昔饮落味道似黑豆浆但感觉好健康。餐厅既logo系一个屋顶加一只咖啡杯，中间加两点，整个睇落就好似系个开心笑既样。希望香港终会有呢一日大家笑得出黎，煲底见。
落到山黎都成9点，打开和你eat睇下仲有边间黄店未闩。见有一间叫屋子咖啡既，但睇佢网上menu好似得咖啡同甜品，无正餐食，不过得返呢间咁夜都未截单，就去试下啦。呢间讲过见到警暴好愤怒同疼心，决定唔会再招待黑警公安。
揾到间舖，见坐得好满，要等一阵，睇下啲人食咩，发现原来有serve乌冬啊咖喱啊定食啊茶渍丼啊饭团咁，睇黎呢镬做完运动都变肥仔了。（建议返餐厅更新一下网上既餐牌。）
各自嗌左个主食加饮品再加甜品。
$72 关西牛肉定食
$42 黑芝麻豆腐奶昔
$55 燕麦梳乎厘
做完运动食咩都好味，特别个梳乎厘真系好香好软绵，边边果个少少脆既皮最好食。杯奶昔饮落味道似黑豆浆但感觉好健康。
餐厅既logo系一个屋顶加一只咖啡杯，中间加两点，整个睇落就好似系个开心笑既样。希望香港终会有呢一日大家笑得出黎，煲底见。
黑芝麻豆腐奶昔
$42
23 浏览
0 赞好
0 留言
张贴
