OPPA Coffee Bar Restaurant

营业中

休息中

又到年尾饮饮食食时间，几个韩粉姐妹话要去尖沙咀韩国街食炸鸡，共度欢乐时光。放工步至餐厅，圣诞布置加上节日热闹气氛与平日水泥灰色工业风主题的感觉截然不同。开餐前始终想有个汤暖下肚，所以叫个传统牛肋骨汤，牛肉已经肴至离骨，热辣辣十分鲜味。芝士蛋卷沙律见隔离枱𠮶碟份量大，所以照版煮碗叫咗份，姐妹话味道普通，不过我就觉得蛋味浓郁，计埋份量的话都算抵食之选。卡邦拿无骨炸鸡 酱汁香、炸鸡嫩，两个都好似系主角咁；加上啖啖肉食完一嚿又一嚿。姊妹话一定要试嘅 海鲜蛋桨熔岩炒饭 原来有一半系为咗睇 Oppa 来服侍，小鲜肉即席玩火又捞又烧个饭，Oppa 讲几句韩文，姐妹已经晕晒浪咁..... 睇佢哋个样应该食唔出芝士、蛋、鱿鱼先至系主角。不过𠮶饭拉晒丝卖相又真系几吸引，见到都口水流。唔知系咪就嚟放假嘅原因，全晚嘻嘻哈哈嘅姊妹们特别大食，意犹未尽要追加多份 蒜香无骨炸鸡，今次嘅蒜香味道入晒薯条入面特别食多咗好几条，Encore 完转个头又好快食晒。