影片
更多
2020-03-02
174 浏览
疫情下唔少人都少咗出去食饭，不过当然，朋友都系要约嘅，趁住喺附近做嘢就顺便同好朋友嚟到愉景新城撑枱脚😋虽然商场人流明显地比平时少咗，但系呢间餐厅依然坐满晒人。 入餐厅之前店员都有帮我地度体温，餐厅都有供应消毒易俾我哋消毒双手。叫咗嘢食之后，好快就送上餐包，入面有麦包+面包条配千岛酱。千岛酱嘅味道好特别，比平时再酸少少，蘸住食好上瘾，我哋都忍唔住再添多篮。用Set price（$38）叫咗甘笋汤，望落好浓郁好足料，打磨好嘅甘笋配上橄榄油，饮落口感好丰富同好香。另外都叫咗凯撒沙律加配香草烤美国鸡胸。朋友平时好少食沙律，但系酸酸地嘅醋配上新鲜嘅沙律菜令佢大开胃口，忍唔住不停夹😂主菜方面：初榨纯橄榄油蒜香白酒煮纽西兰海钻蚬扁意粉（$178）食咗去有浓浓嘅蒜味同橄榄油味，虽然略嫌有少少油，但系白酒嘅味道，再加上纽西兰海钻蚬嘅鲜甜，中和咗意粉油腻嘅感觉。海钻蚬又大只又juicy，同一般蚬嘅口感有啲唔同。嚟自纽西兰嘅海钻蚬炭烧美国顶级1855肉眼牛扒配薯菜（12安士）（$358）上菜时忍唔住同朋友「哇」一声，牛扒嘅size比想像中大，配埋焗薯同埋杂菜，一度担心会食唔晒，但系食过一啖之后就发觉我哋嘅担
叫咗嘢食之后，好快就送上餐包，入面有麦包+面包条配千岛酱。千岛酱嘅味道好特别，比平时再酸少少，蘸住食好上瘾，我哋都忍唔住再添多篮。
用Set price（$38）叫咗甘笋汤，望落好浓郁好足料，打磨好嘅甘笋配上橄榄油，饮落口感好丰富同好香。
另外都叫咗凯撒沙律加配香草烤美国鸡胸。朋友平时好少食沙律，但系酸酸地嘅醋配上新鲜嘅沙律菜令佢大开胃口，忍唔住不停夹😂
主菜方面：
初榨纯橄榄油蒜香白酒煮纽西兰海钻蚬扁意粉（$178）
食咗去有浓浓嘅蒜味同橄榄油味，虽然略嫌有少少油，但系白酒嘅味道，再加上纽西兰海钻蚬嘅鲜甜，中和咗意粉油腻嘅感觉。海钻蚬又大只又juicy，同一般蚬嘅口感有啲唔同。
嚟自纽西兰嘅海钻蚬
炭烧美国顶级1855肉眼牛扒配薯菜（12安士）（$358）
上菜时忍唔住同朋友「哇」一声，牛扒嘅size比想像中大，配埋焗薯同埋杂菜，一度担心会食唔晒，但系食过一啖之后就发觉我哋嘅担心系多余嘅。五成熟嘅牛扒韧度啱啱好，切落去冇血汁流出，入口肉质鲜嫩。配埋牛肝菌汁又系另外一种感觉，牛肝菌汁唔会太浓味，抢咗肉嘅味道。另外旁边嘅杂菜以蕃茄味为主，食落感觉上健康好多。
伪鸳鸯（原味&TIRAMISU）（$38）
用Set drink 价（$38）叫咗分别伪鸳鸯（原味）同伪鸳鸯（TIRAMISU）。两杯都系朱古力底，上面浮着咖啡冰砖，分别在于多咗TIRAMISU粉，所以饮落去有明显嘅分别，味道好特别好好饮！整体上咖啡味唔会太浓，唔使惊夜晚瞓唔着xdd
最后埋单时，店员将单同印花卡放喺煎pan上，用太阳蛋压住，好得意😛
张贴
