影片
更多
2009-04-18
11 浏览
早一排约左好友亨利去佢家中打机兼睇波, 适逢食饭时间主人家决定黎呢一区揾野食; 好友亨利嫂就决定去"喇沙"食饭, 点知去到都几多人, 要等一断时间, 于是就行过隔离街睇下有咩好食, 师傅知道呢度有间新嘅意大利野, 但就未试过, 商量左一阵大家决定入去一试!入到去坐底, 环境光猛, 地方清洁, 而呢度只要柯打晚餐, 就可以有免费沙律吧, 于是谂左一阵就落单, 师傅柯打左香煎极黑猪扒拼带子伴甜椒配烧汁, 而好友亨利就拣左蜜糖烧春鸡伴南瓜薯茸, 亨利嫂就要法式胡椒香烧牛柳伴炸薯角配红酒汁!先讲下个免费沙律吧, 沙律吧选择唔算多, 有餐汤, 沙律, 火腿, 青口等等, 坦白讲味道不算太出色, 但又唔系太出差, 如果惊主餐唔陪饱, 咁沙律吧绝对可以让你食过够; 不过餐汤就几好, 青豆蓉汤入口带少少鞋, 因为系青豆苛蓉嘅关系, 不过味道不错, 绝对系餐前最好嘅配搭; 食到咁上下待应先开始上主菜, 好有秩序, 绝对冇催促赶嘅感觉!好, 师傅先讲下香煎极黑猪扒拼带子伴甜椒配烧汁, 带子有两只, 食落口发觉肉质几靓, 冇梅嘅感觉, 加上味道鲜甜, 不错; 再试下个极黑猪扒, 老实讲算师傅孤陋寡闻, 咩野
入到去坐底, 环境光猛, 地方清洁, 而呢度只要柯打晚餐, 就可以有免费沙律吧, 于是谂左一阵就落单, 师傅柯打左香煎极黑猪扒拼带子伴甜椒配烧汁, 而好友亨利就拣左蜜糖烧春鸡伴南瓜薯茸, 亨利嫂就要法式胡椒香烧牛柳伴炸薯角配红酒汁!
先讲下个免费沙律吧, 沙律吧选择唔算多, 有餐汤, 沙律, 火腿, 青口等等, 坦白讲味道不算太出色, 但又唔系太出差, 如果惊主餐唔陪饱, 咁沙律吧绝对可以让你食过够; 不过餐汤就几好, 青豆蓉汤入口带少少鞋, 因为系青豆苛蓉嘅关系, 不过味道不错, 绝对系餐前最好嘅配搭; 食到咁上下待应先开始上主菜, 好有秩序, 绝对冇催促赶嘅感觉!
好, 师傅先讲下香煎极黑猪扒拼带子伴甜椒配烧汁, 带子有两只, 食落口发觉肉质几靓, 冇梅嘅感觉, 加上味道鲜甜, 不错; 再试下个极黑猪扒, 老实讲算师傅孤陋寡闻, 咩野系极黑猪呢? 不过一放入口发觉肉身松软, 味道都煎得几香, 配埋烧汁, 非常可口, 好明显呢个极黑猪比平时嘅猪扒靓好多!
而师傅亦有幸试到享利夫妇嘅主菜, 蜜糖烧春鸡伴南瓜薯茸, 师傅就试左烧春鸡, 鸡真的烧得好香, 可惜比较干身, 而肉质比较鞋, 所以唔吸引, 就连好友亨利都觉得一般; 而胡椒香烧牛柳伴炸薯角配红酒汁, 师傅亦试左少少牛柳, 牛柳肉身松软, 牛味都几香, 如果系嗜牛者就不容错过! 食到饱饱仲有餐茶同甜品, 餐茶师傅拣左热柠檬茶, 茶味一般, 味遁一般, 不过依然有消滞作用; 而甜品师傅净系食左雪糕, 可以啦!
总括黎讲食物质素算得上中上, 服务态度友善, 环境光猛, 算不上高格调但绝对舒服, 价钱接受到, 旧松水有咁多野食同咁嘅水准, 收货啦; 师傅觉得最开心就系可以同亨利夫妇咁样食餐饭, 真系仲想点呀? 师傅亦要多谢亨利夫妇嘅招待, 纵使曼联最后惨败, 但开波前一粒钟嘅晚餐绝正, 呢间食店系可以再黎, 笑脸当然要比啦!
张贴
