小魚兒 (富麗花園) (已結業)

近日热辣辣又闷热，无咩胃口，所以特别想去餐厅，叹劲冷气食酸菜鱼💚!🐟老坛酸菜鱼豆花+江团鱼(BB辣)老坛酸菜劲惹味，配菜有豆花，青瓜，宽粉，芽菜，芫荽，干辣椒🌶️。对于唔食得辣嘅我，BB辣就刚刚好，少少辣味吊起鲜味，恰到好处。依家早鸟优惠，用海鲈鱼嘅价钱，就可以免费升级江团鱼，而且七点半前离座可享全单八折👏🏻 👏🏻👏🏻!!! 另外追加了红薯粉及鲜鹅肠，估唔到鲜鹅肠份量十足，配上酸菜鱼汤，去除了腥味，更加入味，爽脆口感更加令人食唔停。主菜江团鱼十分推介，肉质肥美，油香且啖啖肉，配上爽口酸菜，非常合衬又惹味。两人食一份真系超级超级满足。