影片
更多
2019-08-02
112 浏览
同朋友一齐起红磡上完course，当食埋饭先走啦，不过红磡冇咩食，所以去咗尖沙咀揾食。朋友唔系几好肉，开openrice揾揾，揾到间叫Kailash Parbat 嘅印度素食餐厅，几好评，朋友话冇所谓，所以去会一会佢。啲相唔知点解upload完有啲会侧咗，请勿见怪。好啦，废话少讲，好简单嘅门面但入面一啲都唔简单，好色彩缤纷有中文menu，有个后生店员讲住一口半咸淡嘅粤语，想推介一啲特色食物比我地试下，好努力，都好热心，于是乎...我地叫咗满满嘅一枱菜首先系小食，好五颜绿色嘅组合，有豆，薯蓉，soup cream，咖哩，脆米等混合埋一齐，又甜又酸又辣，好惹味开胃。*注意，佢地嘅咖哩好辣好辣*一车车黎嘅咖哩角，好qq成座山咁大粒。巨型咖哩角，个馅同薯蓉馅饼有得似，但佢配载嘅扁豆唔系配咖哩，而系配好酸嘅酱，都可以令你暂时忘记啲辣。好似冷气够冻，唔系嘅话，一额汗都似。青辣酱同红辣酱嘅奶酪串烧。唔系挂又青辣又红辣!? 好彩两款所谓嘅辣酱都唔辣，安心用食。但我地两个人要食哂呢六件烤奶酪真系搞唔掂，太滞。青辣酱烤奶酪烤饼系印度餐厅必叫食物之一，佢有别于一般。如果食过烤饼都知有两个情况会令烤饼唔好食。
朋友唔系几好肉，开openrice揾揾，揾到间叫Kailash Parbat 嘅印度素食餐厅，几好评，朋友话冇所谓，所以去会一会佢。
啲相唔知点解upload完有啲会侧咗，请勿见怪。
好啦，废话少讲，好简单嘅门面
但入面一啲都唔简单，好色彩缤纷
有中文menu，有个后生店员讲住一口半咸淡嘅粤语，想推介一啲特色食物比我地试下，好努力，都好热心，于是乎...
我地叫咗满满嘅一枱菜
首先系小食，好五颜绿色嘅组合，有豆，薯蓉，soup cream，咖哩，脆米等混合埋一齐，又甜又酸又辣，好惹味开胃。
*注意，佢地嘅咖哩好辣好辣*
一车车黎嘅咖哩角，好qq成座山咁大粒。
巨型咖哩角，个馅同薯蓉馅饼有得似，但佢配载嘅扁豆唔系配咖哩，而系配好酸嘅酱，都可以令你暂时忘记啲辣。
好似冷气够冻，唔系嘅话，一额汗都似。
青辣酱同红辣酱嘅奶酪串烧。唔系挂又青辣又红辣!? 好彩两款所谓嘅辣酱都唔辣，安心用食。
但我地两个人要食哂呢六件烤奶酪真系搞唔掂，太滞。
青辣酱烤奶酪
烤饼系印度餐厅必叫食物之一，佢有别于一般。
如果食过烤饼都知有两个情况会令烤饼唔好食。
一系个边烤得过火得硬，二系摆冻咗会变硬。
但以上两种情况都冇出现过，由黎到摆到冻都个烤饼都好黏韧。而且好味蒜味，因为我地叫咗大蒜烤饼，好好食。
呢个酱汁质地似免牛果只茄酱，但佢加咗好多奶去煮到佢变橙色，甜甜地，配饼同饭都好好食。
只酱汁加咗奶酪，所以今餐食咗超过我人生中食奶酪数量嘅总和，惊惊。
店员知我地唔知得辣，拎咗个甜酸苦酱比我地中和下，好有心
另一款印度餐厅必叫食物，印度饭。
印度米唔同其他米，糖份冇咁多，所以干身啲。
呢碟黄饭好色彩缤纷，有青豆，豆角，红萝卜，番茜等混合，冇落调味料，点唔点汁都可以，食完上面堆野你本身都成口有味啦，好好食。
青柠水可以拣甜拣咸，我拣咗甜，好清甜，但粒青柠我笃唔到...
最后店员重问我地要唔要甜品，已经食到就呕，不了不了。
女仕们如果keep紧fit，呢个系好选拣，一黎系食斋，二黎啲野唔油，好健康，可以拉大队去试下。
张贴
