影片
更多
2015-05-01
2361 浏览
早前晌尖沙咀食咗餐好和味嘅日式烤肉，今晚再续「烤肉」之夜，同个死佬朋友嚟到油麻地嘅鸣桥烧肉料理，贪佢近近哋，而且，全包放题，即喺任饮任食，连加一都唔使两旧水，仲有可以晌Table Map订枱储分，又可以下载优惠券赚多一客特大刺身虾嚟试试，谂落划算嘛。离油麻地地铁几分钟脚程，好方便，位置属于黐住旺角，所以，几旺场，仲越夜越多人，订咗枱始终稳阵啲，离开时仲见唔少人晌门外等位添。门口大大个餐牌，有咩食一目了然。室内环境唔喺好大，坐满人之时真喺几逼，装修亦都好简单，反而餐厅尾落几级嘅用餐区阔落少少。基本收费，$178一位（星期五、六、日、假期及其前夕，另加$10），任饮任食两个钟，我哋咁战斗格，够晒啦。当中，已包咗超过60多款嘢食，有肉类、野菜、和食、甜品、炸物、刺身、海鲜及饮品。另外，又可以加$40升级为皇牌放题，有多6款嘢食可以任点，就喺牛肋肉、花虎虾、帆立贝、刺身带子、马刀贝及意大利芝士蛋糕，想享受多啲，定悭番啲，悉随尊便。此外，仲有一张点菜纸写住付款项目，有两款特别食物，同埋啲啤酒、清酒、红酒、白酒、香槟之类，小心啲剔，咪乱剔剔鬼错。三文鱼头汤烧烤需时，所以，不如点个汤润一润。汤品有味
离油麻地地铁几分钟脚程，好方便，位置属于黐住旺角，所以，几旺场，仲越夜越多人，订咗枱始终稳阵啲，离开时仲见唔少人晌门外等位添。门口大大个餐牌，有咩食一目了然。
室内环境唔喺好大，坐满人之时真喺几逼，装修亦都好简单，反而餐厅尾落几级嘅用餐区阔落少少。
基本收费，$178一位（星期五、六、日、假期及其前夕，另加$10），任饮任食两个钟，我哋咁战斗格，够晒啦。当中，已包咗超过60多款嘢食，有肉类、野菜、和食、甜品、炸物、刺身、海鲜及饮品。
另外，又可以加$40升级为皇牌放题，有多6款嘢食可以任点，就喺牛肋肉、花虎虾、帆立贝、刺身带子、马刀贝及意大利芝士蛋糕，想享受多啲，定悭番啲，悉随尊便。此外，仲有一张点菜纸写住付款项目，有两款特别食物，同埋啲啤酒、清酒、红酒、白酒、香槟之类，小心啲剔，咪乱剔剔鬼错。
三文鱼头汤烧烤需时，所以，不如点个汤润一润。汤品有味噌汤及三文鱼头汤，拣后者心理上觉得多料啲，睇落跟味噌汤无咩分别，只喺入口多一阵三文鱼嘅味道，唔错！唔错！
三文鱼头汤
23 浏览
0 赞好
0 留言
惯常自助餐、放题嘅作战攻略之一，就喺食啲沙律作为前菜，开开肠胃等阵可以食多啲。甘笋丝、白萝卜丝、青瓜丝拌点胡麻汁，蟹籽落手重，食落清清爽爽。
蟹籽沙律
24 浏览
0 赞好
0 留言
跟住一人送上一只特大刺身赤虾，果然特大，有成只手掌咁大。如果食完想再食，就要付款点选，属于「付款项目」，不过，都只喺$10只。质素唔算话超高，肉质未够爽，但味道仍觉鲜甜，卖你$10一只仲想点！
特大刺身赤虾
$10
20 浏览
0 赞好
0 留言
饮品食烤肉真喺唔少得饮汽水，除可乐、忌廉、橙汁唔在讲，仲有柠檬+C，及新加嘅C&C苹果汽水；咁热气，最得小弟欢心都喺自家制五花茶，一小渣奉上，唔使嗌多几次咁麻烦。此外，亦关顾到唔方便饮冻嘢嘅人，热饮包括柚子茶同绿茶。
自家制五花茶
58 浏览
1 赞好
0 留言
C&C苹果汽水
48 浏览
0 赞好
0 留言
好快第一份肉类上枱，我哋点咗盐烧牛舌、汁烧牛肋肉、秘制牛柳肉、七味豚背肋、七味豚拖罗、香草鸡翼、盐烧鸡太腿、法式香草羊架。摆盘卖相方面俾人感觉麻麻，除因为啲肉切得薄身，摆起嚟唔够立体之外，亦无好好分隔出唔同嘅肉类，感觉有种随意嘅堆砌感。
反而，汁烧牛肋肉及法式香草羊架分碟上，观感好啲。
虽然卖相欠奉，但啲肉嘅质素又唔差㖞，牛舌烟韧有咬口，牛肋肉肉质细致，牛柳肉又好腍滑，豚拖罗富油香，羊架亦膻香软腍；唯一唔喺太钟意喺啲鸡翼起单骨，反正鸡翼又唔喺大只，就无谓仲斩开两截。而香草腌得稍为重手咗啲，稍稍抢咗肉味。
肉类
23 浏览
0 赞好
0 留言
肉类
28 浏览
0 赞好
0 留言
肉类
22 浏览
0 赞好
0 留言
肉类
58 浏览
1 赞好
0 留言
因为升咗级，可以点虎虾，帆立贝，仲加埋法式香草龙脷柳，小墨鱼，牛油蒜蓉青口。虎虾跟帆立贝确喺几有睇头，睇落都觉得有啲质素。
海鲜类
55 浏览
1 赞好
0 留言
海鲜类
46 浏览
0 赞好
0 留言
海鲜类
29 浏览
0 赞好
0 留言
海鲜类
26 浏览
0 赞好
0 留言
海鲜类
25 浏览
0 赞好
0 留言
炸物类天妇罗有虾、野菌、南瓜、地瓜（即喺蕃薯），样样剔不如点个杂锦一碟过。
天妇罗做得不过不失，南瓜同蕃薯都够粉甜，喺炸浆厚啲啲啫。
天妇罗
33 浏览
0 赞好
0 留言
总共有7款刺身，因为老友喺刺身粉丝，所以，无悬念就一次过点晒。
整体刺身唔算高质，亦唔差，但升级嘅带子则颇有水准，鲜甜味美。其后，仲留少少刺身拌饭，DIY刺身饭也。
刺身类
23 浏览
0 赞好
0 留言
刺身类
20 浏览
0 赞好
0 留言
最后烧乜好？咪野菜啰，选择得翠玉瓜、野菌、南瓜、粟米，唔使多谂又喺点晒。还要加多件芝士麻吉，究竟喺乜，个店员竟然卖我关子，话好好食，值得试！
因为佢唔喺明火嘅烤炉，所以粟米较难烧，要耐心啲慢慢烧。南瓜依然粉甜，野菌爽爽哋。而芝士麻吉就似喺芝士加炸鱼片头，烧香之后，芝士又溶溶漏漏，确喺几好食㖞。
野菜类、芝士麻吉
28 浏览
0 赞好
0 留言
临尾贪得意，点咗一客「一口日式御饭」，叫得一口应该唔会多，可能成晚都未发市，点知嚟到有啲「赖嘢」嘅感觉，何止一口，直头成碗，小弟一向唔嘥嘢，加埋啲刺身，一于刺身饭，照样成碗顶晒佢。其实啲珍珠米几软糯，口感唔错，加埋之前点嘅刺身，正架！
甜品老友唔太啱，我就当然喜欢啦，所以，升级嘅意大利芝士蛋糕、雪米糍、绿茶雪糕及胡麻雪糕全部一网打尽，样样一客。意大利芝士蛋糕来货嘢，不过不失，欠一点咖啡酒香；雪米糍喺芋头味，啱晒我，而两款雪糕都好好食，质感软滑，绿茶及芝麻都十足。
雪米糍、绿茶雪糕及胡麻雪糕
35 浏览
0 赞好
0 留言
芋头味雪米糍
36 浏览
0 赞好
0 留言
题外话，之前翻餐牌时见到佢哋仲提供定食（$48-$88），定价实惠，所以，嚟到唔食烤肉亦有其他选择。
虽然肉类嘅拣选欠缺一啲富油花带油香质素嘅肉类，但以咁嘅价钱，选择又唔算少，任食任饮，想悭悭哋过吓烧肉瘾，都喺个好唔错嘅地方。
张贴
