Curry & Kabab Hut

营业中

休息中

系附近番工, 今日想食D特别的食物, 醒起好耐都无食过呢间印度餐厅, 于是就同 同事黎食下印度咖哩午市套餐不贵, 都系HKD5X-7X左右, 有素食餐、卷饼等, 咖哩可配饭或薄烤饼Roti, 或者加钱配烤饼(naan)都可以。我叫左牛油鸡咖哩, 加左5蚊配Naan, 同事就叫左Roti, 咁我地share 黎食, 就可以2种薄饼都试到啦! 另外套餐配餐饮，可以简汽水/冻热印度奶茶, 或加钱转其他野饮都可以。天气少冻, 我简左热印度奶茶, 试下新野!等左一阵就上左套餐了, 牛油鸡咖哩唔辣, 带有微微的酸味, 颜色偏橙红, 我觉得应该佢应该系加左少少蕃茄。配埋Naan黎食, 非常惹味。Roti 比Naan薄, 带有少少麦香, Naan就偏向用面粉整, 两种烤饼配咖哩都好味。最后饮杯印度奶茶，觉得应该有因应香港人口味而落少少印度香料, 饮落唔会好甜, 热饮都ok, 但同事叫冻饮就唔系几接受到呢个异国风情的奶茶味。