八月花 (又一城)

营业中

休息中

粤菜讲求食材嘅鲜味，味鲜而不腻，可谓粤菜嘅精粹。今次嚟到 #又一城 嘅八月花分店，带大家去试下多款新派粤菜，款款色香味俱全！餐厅环境比坊间嘅中菜馆更宽敞，仲设有半圆形嘅卡座，一大班朋友一齐食都啱晒！鹅肝蟹子脆春卷融入香脆嘅炸春卷包裹住香滑嘅鹅肝，再沾上满满蟹子，多层次口感令人再三回味。一口南非鲍鱼挞酥炸嘅挞皮上面放入一口大小嘅鲍鱼，鲍鱼爽口又咸中带甜。招牌酥脆鲜虾肠粉必食推介！弹牙肠粉包住酥脆嘅炸皮和新鲜大虾，每一啖都系大海嘅呼唤。香烤深海白鳕鱼 厚身鳕鱼烤焗至金黄色，未上枱已经香气逼人，鱼皮香脆，鱼肉又鲜嫩多汁。西班牙手抓胡椒猪肋排特别选用海南岛干胡椒碎腌制，猪肋排份外肉质软腍，份量十足，散发住浓浓胡椒香！云呢拿雪糕伴嫲嫲饼新鲜热辣出炉嘅嫲嫲饼，配上冰冻嘅云呢拿雪糕，冰火双重享受。雪燕红豆冻豆腐花幼滑嘅豆腐花配搭冰冻嘅 #雪燕 同绵密红豆，为炎炎夏日降降温。花果奇缘茶底用上茉莉花茶，入面加入左多款新鲜生果：西瓜、士多啤梨、青苹果、苹果、蓝莓。打卡一流，钟意水果嘅人唔可以错过啦。