弘 CHIRASHI (已結業)

弘嘅二段丼口碑一直唔错，想试好耐，呢日终于成行。门面好和风嘅感觉，环境光猛。佢哋系间专卖日式丼物嘅食店，揭一揭餐牌，无谂到选择原来都几多。店员先拎咗味噌汤同一碟调味料嚟，入面有酸姜、渍萝卜、山葵等等。极丼，上面铺咗蓝鳍吞拿鱼大腩、帆立贝、海胆、油甘鱼同赤虾，刺身份量丰富，甚至将饭都遮住晒。海胆、帆立贝同赤虾鲜甜、油甘鱼爽口、蓝鳍吞拿鱼大腩入口有油香，另外仲有厚烧玉子、青瓜片同杂菜等等。米饭方面醋味啱啱好，又唔会太酸，质感就比较软身，不过单食都觉得唔错。蔷薇二段丼，呢个系供应至六月左右嘅期间限定款式，分咗上下两层，既精致又吸引。上层用刺身卷到好似几朵玫瑰花咁，中间浅红色嘅吞拿鱼有鱼香，旁边就系白身鱼，仲用咗三文鱼子同葱花等等点缀，加上火炙过，食起嚟有焦香。下层饭面分别铺咗蟹肉、海胆鱿鱼同蟹膏，可以各自捞饭食，又或者按个人喜好混合咁食。蟹肉加咗芝麻同紫菜丝等，味道温和。海胆鱿鱼有咬口，蟹膏就同姜蓉葱花相伴，咸鲜甘香。整体嚟讲味道浓郁讨好，中间酸香嘅渍八爪鱼就可以消滞。蔷薇二段丼两层都有米饭，原本怕太多会食剩，好彩实际份量适中。加上卖相靓，睇得又食得，应该几讨人欢心吧？但系留意返，所有丼物都