影片
更多
2021-11-22
259 浏览
海南鸡饭关注组长居第一名嘅非当时位于西九龙中心🔥全日鸡莫属。继7月份突然结业后，终于十月喺北角重新开业~位置都系Food Court入面，但都有D难揾对于一个唔太熟北角嘅人黎讲，虽然座位唔算好多，但胜在店舖唔多，座位较阔落同舒适。星期六十二点去到，Food Court好多位简，全日鸡开十二点，眼见前面已有几个人排队，比预期中小人，十五分钟到就落完单。🐓 温泉海南鸡饭餐 (鸡胸、鸡柳；鸡脾)★★★★★能够喺关注组云云海南鸡中脱颖而出，一定有佢嘅独到之处。主打温泉海南鸡饭餐，有得简鸡胸、鸡翼、鸡脾同鸡柳。今次就叫左鸡脾同埋鸡胸、鸡柳餐+$10期间限定桑拿猪肉饼。温泉海南鸡饭跟餐有大大碗油鸡饭、标榜无味精嘅靓汤、酱油小黄瓜、三色酱汁及饮品，劲抵食。主角鸡：鸡胸、鸡柳，都够滑身好味，但唔够鸡脾食落咁有惊喜！嫩滑得黎JUICY一D都唔干鞋口，油份够，鸡味好浓郁，鸡油香都出，鸡皮十分之爽脆，鸡肉与皮之间有层少少啫哩，唔点汁就咁食都觉得好满足，正🤩！鸡油饭：大碗热辣辣，但唔算出众，有油香味，但冇咩香矛干葱味，变相整体个味唔够香，饭比较淋，唔系好粒粒分明。其他配料、酱汁：几欣赏三个酱汁，特别系姜蓉，食
海南鸡饭关注组长居第一名嘅非当时位于西九龙中心🔥全日鸡莫属。继7月份突然结业后，终于十月喺北角重新开业~位置都系Food Court入面，但都有D难揾对于一个唔太熟北角嘅人黎讲，虽然座位唔算好多，但胜在店舖唔多，座位较阔落同舒适。星期六十二点去到，Food Court好多位简，全日鸡开十二点，眼见前面已有几个人排队，比预期中小人，十五分钟到就落完单。
🐓 温泉海南鸡饭餐 (鸡胸、鸡柳；鸡脾)★★★★★
能够喺关注组云云海南鸡中脱颖而出，一定有佢嘅独到之处。主打温泉海南鸡饭餐，有得简鸡胸、鸡翼、鸡脾同鸡柳。今次就叫左鸡脾同埋鸡胸、鸡柳餐+$10期间限定桑拿猪肉饼。温泉海南鸡饭跟餐有大大碗油鸡饭、标榜无味精嘅靓汤、酱油小黄瓜、三色酱汁及饮品，劲抵食。
温泉海南鸡
22 浏览
0 赞好
0 留言
温泉海南鸡饭餐
48 浏览
0 赞好
0 留言
鸡油饭：大碗热辣辣，但唔算出众，有油香味，但冇咩香矛干葱味，变相整体个味唔够香，饭比较淋，唔系好粒粒分明。
其他配料、酱汁：几欣赏三个酱汁，特别系姜蓉，食得出新鲜打同埋好幼滑冇渣；辣椒酱汁辣得黎带少少酸都几清新；甜酱油够浓厚杰身；鸡件点D酱汁一齐食，又系另一番风味，更加惹味好𩠌饭。餐汤系椰子鸡汤，饮落有鸡味但偏咸，椰子味道唔够出，酱油小黄瓜就正常爽口，食完都唔怕太浓味抢哂之后食鸡嘅味道。
桑拿猪肉饼
36 浏览
0 赞好
0 留言
★★★★☆
虽然追加$10肉饼🐖好细碟，但食落同样有惊喜，有屋企住家饭𩠌FEEL厚肉鲜嫩多汁，肥瘦比例分配得几好。虽然见Menu写瑶柱，但我食落就觉得似加左土鱿令到更加鲜味，超级好𩠌饭！
🌟总括：海南鸡十分高质，性价比高，套餐有埋汤、小菜、连冻饮品。建议大家叫鸡脾，更加滋味。肉饼都几好食，叫黎𩠌饭一流，但系海南鸡更胜一筹。绝对值得跨区过海过黎食嘅一间海南鸡小店。
张贴
