泰金國

营业中

休息中

今次去咗泰金国食晚饭，喺九龙城都算好出名，历史悠久，好多人都介绍个烧牛肉，一于去试吓。啱啱好6:00去到，坐咗最尾一张枱，走𠮶阵出边已经排长龙。两个人，叫咗烧牛肉、虾膏炒饭、生菜包、飞天通菜、百香果沙冰同埋泰式奶茶。烧牛肉好大碟，基本上枱枱都有叫，烧出嚟只色好靓，大概五成熟，好多人都赞个汁，但系我觉得就咁食好食啲。虾膏炒饭新鲜炒起好香，大大碟几抵食。生菜包同通菜都唔错，冇乜特别。至于两杯嘢饮，个百香果沙冰应该系糖水沟出嚟，味道麻麻哋。泰式奶茶就几好饮，茶味香，同港式奶茶相比系第二种风味。听过人讲喺𠮶度加单会俾人闹/黑面。我哋落单𠮶阵已经同我哋讲只可以加一次单，我哋加单之后就收咗我哋本Menu，但就冇唔友善嘅态度。两个人最后食咗$396，食唔晒要打包。总括嚟讲，食物质素几好，性价比几高。服务都唔错，有求必应，系坐得迫咗少少。但系都推介嘅。