朱敏記桑拿菜 (已結業)

朋友住系土瓜湾，成日同我讲土瓜湾马头围道嘅朱敏记桑拿菜好好食，今日就同佢去试下。一入到去，真是好热闹，已经有好多人，环境布置好舒服，墙上放左D盆栽及小摆设。朱敏记大牌档有好多好嘢食，可以食火锅、海鲜、鸡煲，我地拣左出名的金牌胡椒猪杂锅。点解拣金牌胡椒猪杂锅？无他，因可以补肺止咳，补中益气，对近排有少少咳嘅我有帮助。无几耐一阵浓厚嘅胡椒味飘来，就有人送上一大个猪杂锅，我见到锅里面有好多大大片的猪杂，有专人用铰剪将猪杂剪细，方便我地食用。我地夹起来，见每件猪杂都是厚肉，绝不欺场，尤其是猪肚，大大厚厚，入口爽，加上浓浓的胡椒味，真好食，无得顶。食完第二日，咳真是少左，正！