影片
更多
2008-12-17
16 浏览
如果你当佢系间茶餐厅，而唔系一间西餐厅，我谂你会觉得佢都算唔错的 (佢个价钱仲平过翠华㖞)是晚收早，碰巧家里未煮饭，而妈妈又想黎呢度食pizza 好耐 (系, 呢个年纪仲咁钟意食pizza的好少有)，所以又帮衬啦。今次我地叫得丰富好多，计有： 辣肉肠pizza：个辣肉肠真系好一般，好似d鸡尾肠切片放上去咁...仲要唔系金妹牌果只系d不知名牌子㖞！冇乜味的；个批皮都不过不失，系太厚咁，不过d蕃茄酱同芝士都唔算系落得过多，食个成个批唔系"湿立立", 虽然个批偏厚但都算干身，食落唔太漏。 田园沙律：成晚最好的系呢个，系佢个沙律酱鲜得滞，好似落左味精咁，不过d菜好新鲜，19蚊, 去supermarket买一包沙律菜都唔知买唔买到 西班牙式奄列：劲失望。 本来系想回味返响西班牙周围都有得食既la tortilla de patatas (薯仔奄列)的味道，点知完全唔系果回事之余，仲加多左好多其他配料！！本来，la tortilla de patatas 只系有蛋，薯仔同洋葱 (如果系其他奄列，如茄子，就会用茄子取代薯仔咁解)，而家竟然有火腿，冬菇，同埋我最讨厌的杂豆！！ (我讨厌杂豆，因为佢一定
是晚收早，碰巧家里未煮饭，而妈妈又想黎呢度食pizza 好耐 (系, 呢个年纪仲咁钟意食pizza的好少有)，所以又帮衬啦。
今次我地叫得丰富好多，计有：
辣肉肠pizza：个辣肉肠真系好一般，好似d鸡尾肠切片放上去咁...仲要唔系金妹牌果只系d不知名牌子㖞！冇乜味的；个批皮都不过不失，系太厚咁，不过d蕃茄酱同芝士都唔算系落得过多，食个成个批唔系"湿立立", 虽然个批偏厚但都算干身，食落唔太漏。
田园沙律：成晚最好的系呢个，系佢个沙律酱鲜得滞，好似落左味精咁，不过d菜好新鲜，19蚊, 去supermarket买一包沙律菜都唔知买唔买到
西班牙式奄列：劲失望。 本来系想回味返响西班牙周围都有得食既la tortilla de patatas (薯仔奄列)的味道，点知完全唔系果回事之余，仲加多左好多其他配料！！本来，la tortilla de patatas 只系有蛋，薯仔同洋葱 (如果系其他奄列，如茄子，就会用茄子取代薯仔咁解)，而家竟然有火腿，冬菇，同埋我最讨厌的杂豆！！ (我讨厌杂豆，因为佢一定系雪藏，个味又不伦不类...) 成盘野又冇蛋香，入面d配料又冇乜味，一d都唔好食呀！
讲真，你摆得自己系一间卖西餐既格，我会怀住一个食西餐的希望黎食的；当发现唔系一回事的事候，真系好失望；不过谂返转头，算啦，呢个价钱，一人$41(我地仲叫左一个drink bar)，仲平过去翠华食，咁当佢系一个另类茶餐厅咁睇，算系唔差，仲俾到你新鲜感添...
不过就唔会系我成日帮衬的choice咯！如果我食茶餐厅食到闷闷地，想揾个地方转下口味先会谂住黎呢度；同埋，俾我果位咁钟意食pizza的妈妈得闲黎过下pizza瘾(但佢次次都只系食少少)，虽然唔系好食，但胜在够细只，咁我要帮清碟都清得冇咁痛苦呀....
除左以上原因，我谂我最多都系帮衬外卖沙律，其他我自己煮好过呀！！
张贴