影片
更多
2015-12-16
1370 浏览
亚视虽然弱，但偶有佳作，其中一个几分钟嘅资讯节目「当年今日」，顾名思意，就喺想当年嘅同一日，世界发生咗咩大事。今晚同朋友嚟到「金记」食餐便饭，睇见啲「西瓜波」就即刻想起当年今日挞拖鞋踢波嘅情景。晌西环重开嘅金记未有帮衬过，嚟新开嘅湾仔店就贪其就脚方便。一室装修大卖怀旧风，亦喺唔少人特意去帮衬嘅诱因。我依等中佬，睇见咁多怀旧嘢，自不然回忆起唔少以前细细个嘅片段 。翻开盏鬼嘅「乒乓波拍」餐牌，第一版就见到金记嘅介绍，缘来缘去，晌度唔多写，自己睇睇！以前啲冰室，都喺卖三、五、七类嘢，边似依家嘅茶记，十项全能乜都有。所以，金记自诩为冰室，实质如茶记般有过百款食物选择，由早餐、常餐、小菜套餐、沙律餐、怀旧套餐、马来咖喱、公仔面餐、怀旧学生餐、精选焗类、意粉、碟头饭面、薯条、三文治、多士、汉堡包、新鲜蒸鱼套餐、小食、冷热饮品，到怀旧特色饮品……等等 ，一应俱全，不愁无嘢啱食！本来试吓佢嘅炸鸡髀、沙律，回味吓「银禧小食店」年代嘅味道。不过，遇著佢有啲冬季新嘢，朋友就话要贪新鲜试新嘢 。厨师冬季精选，有4款小菜选择（$88-$118），另外仲有一个腊味精选套餐，共5款腊味饭选择（$55-$78）
晌西环重开嘅金记未有帮衬过，嚟新开嘅湾仔店就贪其就脚方便。一室装修大卖怀旧风，亦喺唔少人特意去帮衬嘅诱因。我依等中佬，睇见咁多怀旧嘢，自不然回忆起唔少以前细细个嘅片段 。
翻开盏鬼嘅「乒乓波拍」餐牌，第一版就见到金记嘅介绍，缘来缘去，晌度唔多写，自己睇睇！
以前啲冰室，都喺卖三、五、七类嘢，边似依家嘅茶记，十项全能乜都有。所以，金记自诩为冰室，实质如茶记般有过百款食物选择，由早餐、常餐、小菜套餐、沙律餐、怀旧套餐、马来咖喱、公仔面餐、怀旧学生餐、精选焗类、意粉、碟头饭面、薯条、三文治、多士、汉堡包、新鲜蒸鱼套餐、小食、冷热饮品，到怀旧特色饮品……等等 ，一应俱全，不愁无嘢啱食！
本来试吓佢嘅炸鸡髀、沙律，回味吓「银禧小食店」年代嘅味道。不过，遇著佢有啲冬季新嘢，朋友就话要贪新鲜试新嘢 。厨师冬季精选，有4款小菜选择（$88-$118），另外仲有一个腊味精选套餐，共5款腊味饭选择（$55-$78），两者都包中汤或西汤，跟茶啡，冻饮加$3，转特饮加$10。小弟就甚钟意食咖喱，所以，拣咗一客马来咖喱，包是日例汤或罗宋汤，跟茶啡，冻饮加$3，转特饮加$10。
西汤：罗宋汤（跟餐） 依家大多数饮到嘅罗宋汤色泽都比较清彻，但晌度饮到嘅就杰身啲，色泽较橙，蕃茄味偏重，似喺较落茄膏多，但酸香度都OK嘅，又有大量蔬菜，辣多少少就更合个人心水。
罗宋汤
37 浏览
1 赞好
0 留言
是日例汤：南瓜煲唐排（跟餐） 老友喺中汤粉丝，所以，拣是日餐汤。个中汤够老火，足料无欺场㖞。
马来咖喱牛腩农夫一口包 $89 晌餐牌上，有一组叫农夫一口包，另一组叫农夫包，都喺咖喱菜式，好奇问吓店员有咩分别，佢都笑笑口话无分别，真搞嘢 。
原个大农夫包里面有炒饭，有牛腩，面头有一朕咖喱汁及芝士，烘得卖相好吸引，唔使担心唔够咖喱汁，因为仲伴有一小兜任捞任点。最好嘅食法就梗喺先食个面包顶，非常香脆，沾沾咖喱，咖喱带有香料味，香浓好食 。而内里牛腩炆得好腍，入口松化，贪得意夹埋啲面包，再滔多少少咖喱，真喺超正 。
马来咖喱牛腩农夫一口包
$89
98 浏览
1 赞好
0 留言
火喷喷鸳鸯双鸡煲 $88 有几火喷喷，纯粹因为煲仔上，够晒滚热辣。双鸡就喺鸡件同田鸡，前者有啲嚡，煮得过火咗 ，后者就好嫩滑，只可惜份量少，内里仲有啲猪润添。然而，以豉椒爆，够晒惹味 。
火喷喷鸳鸯双鸡煲
$88
58 浏览
1 赞好
0 留言
黑松露腊味炒饭 $78 腊味炒饭向来油香惹味，加埋黑松露相信更添香。炒饭做得唔错，饭粒爽身，充满腊味香味，食落又唔太油 ，不过，黑松露味明显被腊味所掩盖，唔多突出，只喺隐约咁食到啲松露香，未有预期咁有层次。
黑松露腊味炒饭
$78
81 浏览
1 赞好
0 留言
讲明卖怀旧，当然唔少得好多怀旧嘢饮，如滚水鸡蛋、杏霜、保卫尔牛肉汁、黑牛、白雪公主……等等，不过，少咗金牛㖞（芒果雪糕加玉泉忌廉）！
热奶茶（跟餐）虽然咁多懐旧嘢，但嚟到茶记奶茶都喺小弟首选。杯奶茶几够茶香，可见茶胆不俗，奶同茶嘅比例亦恰到好处，只喺稍稍欠细滑。
热菜蜜（跟餐）开始入冬，朋友就拣热菜蜜润一润，好让喉头舒服一下。
保卫尔牛肉汁另一位朋友话未见识过咩喺牛肉汁，胆粗粗试番杯。浅尝一小啖，味道就无牛味啦，反而有少少似饮无咗甘苦味嘅凉茶，咁即喺唔喺凉茶啦？真喺有少少难形容𠮶阵味。
香港近年多咗依类怀旧冰室，只可惜真正嘅旧冰室买少见少，执一间就少一间。真喺唔知几多年后，冰室成为当年今日嘅事！补充多句，今餐饭嘅食物质素有好有唔好，介乎笑脸与OK之间，不过，怀旧嘅卖点加番少少分，所以，最终都俾个笑脸佢！
张贴
