Oslo (已結業)

九龙城真系美食天堂，除左多泰国野，连呢间食西餐嘅都系超级好味😛😛烟三文鱼磨菇丹麦酥外型好似薄饼，其实用左丹麦酥做包底，酥边微焦，一咬落系脆脆地，但包身非常软熟。面层舖满馅料，有芝士，烟三文鱼，磨菇，蛋黄酱，一摆上枱已经香味四溢，旁边仲有青瓜，蕃茄同沙律菜，口感丰富，但又唔会觉得饱滞。超级推介❤️窝夫拼盘窝夫共三件，上面放左三球唔同口味嘅雪糕同生果，包括绿茶红豆，士多啤梨同埋香蕉朱古力。窝夫外脆内软，充满蛋香，配上雪糕，非常开胃。热水蜜桃绿茶连野饮都系高水准，唔会太甜但又带有水蜜桃嘅香味，而且都算大杯。食完野饮杯桃茶感觉好温暖好满足。